OLABARRIA: EZ DIRA UZTARGARRI ETAREN KONTRAKO ITUNA ETA EGIN NAHI DEN NAZIOARTEKO TERRORISMOAREN AURKAKOA
EAJ-PNVko,
14Abenduak 2004 2004 AbenduaK 14 |
Berria
Bai Uriak eta baita Barkosek ere indarrean dagoen Itun Antiterrorista aldatzea eskatu zuten, hitzaurrea erabat onartezina delakoan, alderdi abertzaleak behin eta berriz aipatzen dituenez gero. Uxue Barkosen ustez, “Gobernuak talde hiritar batenganako sentsibilitate handia erakusten du, islamismoa eta Al Qaeda ezin direla elkarrekin nahastu esaten duenean baina, aldi berean, sentsibilitate hori hutsa baino ez da, hitzaurrean alderdi abertzaleak behin eta berriz aipatzen dituen ituna babesten duenean”.
Zentzu berean, Batzordean EAJ-PNVren bozemaile den Emilio Olabarriak galdetu zion Zapaterori ea uztargarritzat joten ote zituen Itun Antiterrorista, “non gehiagotan aipatzen den EAJ eta EA, ETA baino”, eta buruzagi sozialistak nazioarteko terrorismoaren kontra proposatu nahi duen Estatu Ituna.
Olabarriak eskatu ere eskatu zuen Eduardo Zaplana PPren bozemailearen zenbait adierazpen bilera-agirietatik kentzea. Besteak beste, Zaplanak aipatu zituen “agindu judizialei muzin egiten dieten talde eta hautetsi politikoak edota talde terroristekin hitzartzen dutenak”. Olabarriaren iritziz, era horretako adierazpenak “sasi delituak dira”.
