Aitor Esteban: "Feijóoren PPk ez du Gernikako Estatutua betetzerik nahi, eta hori oso grabea iruditzen zait niri”

Atzo bertan popularrek argitaratu zuten bideoan ikurrina txarto ilustratuta atera zutela gogoratu ondoren Estebanek PPri txarretsi dio Madrilen ekimenak aurkeztu izana euskal erakundeak ordenamendu juridikoan jasotako eskumenak bereganatzera irits ez daitezen

Aitor Esteban: 16Azaroak
AzaroaK 16 |
Kongresua
IKUSI BIDEOA

PARTEKATU

Estebanek Gipuzkoatik aurkezten den PPko hautagaiak jasan duen erasoa irmo salatu du, eta argitu du Feijóok berak mezua bidali ziola gaitzespen mezua eskertuz.

Aitor Estebanek, Euzkadi Buru Batzarraren presidenteak, Alberto Núñez Feijóoren PPri txarretsi dio Madrilen ekimenak aurkeztu izana euskal erakundeek Gernikako Estatutuan jasota dauden eskuduntzak beregana ez ditzan: “Oso larria iruditzen zait”. “Nahi nuke Feijóo jaunak, aste honetan bertan berriz ere Euskadira etorriko denak, honi guztiari erantzutea”, esan du. Adierazpen hauek egin ditu Estebanek  atzo bertan Partido Popularrak  argitaratu zuen bideoan ikurrina txarto ilustratuta atera ondoren.

EBBren presidenteak berriz ere “irmotasun osoz” salatu du PPren Gipuzkoako hautagai Jon Echeverriak jasan duen erasoa eta argitu du Feijóok berak mezu bat bidali ziola larunbatean plazaratu zuen gaitzespena eskertuz. Estebanek zentzu berean gogoratu du talde jeltzaleak ere erasoak jasan dituela  hainbat batzokitan eta iragan ostiralean kanpainako furgoneta batean, iragan asteazkenean, greba egunean, egoitza batean pintadak garbitzen ari zirela egin zizkieten mehatxuez gain.

Onda Cero irratian egin dioten elkarrizketan Estebani galdetu diote EAJ-PNV ezkerreko edo eskuineko alderdia den: “Erdian dagoen alderdia gara. Oso progresistak gara alderdi sozialetik. Eta Estatu osoan aitzindariak izan gara politika sozialak eta aberastasuna banatzeko politikak egiterako orduan. Alderdi klasikoa ere bagara, ekonomiari dagokionez. Herriak funtzionatzea nahi dugu, enpresek aurrera egitea, Herriarentzat aberastasuna sortzea. Punta puntako Herria gara (…). Herri modernoa eraiki dugu eta, horren erantzulea, funtsean, EAJ izan da. Euskal herritarrek jakin dakite zer garen, zer egin dugun eta zertan ari garen”, azaldu du.

Interesatu Zaitez