Euskal Taldeak Osasun ministro andreari deitoratu dio Esparru-Estatutua kontsentsurik gabe onetsi izana: "Porrot egin duten negoziaketek ekarri dute gaixoei zuzenean eragiten dien medikuen greba"

Joseba Agirretxea bozeramaile jeltzaleak gaur, asteazkenarekin, Mónica García Osasun ministro andreari galdetu dio osasun zerbitzuetako langileen Esparru-Estatutuari buruzko Lege Proiektuaz, zeina aurreko astean Ministroen Kontseiluan onartua izan baitzen. Proiektuak ez du jaso aplikatu beharko zaien profesionalen babesa ezta osasun zerbitzu publikoak kudeatu behar dituzten Autonomia Komunitateena ere.

“Arduratsua iruditzen al zaizue esparru-estatutu hau onartzea?”, deitoratu dio Agirretxeak. Ildo beretik gogora ekarri dionez “porrot egin zuten negoziaketen ondorioz eta behin betiko konpondu gabe itxi ondoren, osasun alorreko sektorerik garrantzitsuenetakoak, medikuenak, greba ugari egin ditu eta greba mugagabea deitu du urritik aurrera”. Diputatu jeltzaleak horri gehitu dio Garcíak, gainera, jakin dakiela “greba horien ondorioak ez dituela ministroak jasoko”, “zuzen-zuzenean Autonomia Erkidegoetara bideratzen ditu, haiek baitira osasun zerbitzuen kudeaketaz arduratzen direnak”.

Estatutuak lege izaera du eta Gorteetan berretsi edo baztertu behar da eta “eragindako osasun arloko profesionalekin negoziatzeko eseri ziren lehen egunean baino kontsentsu gutxiago  ditu gaur egun”. Halaber, memoria ekonomikorik  ere ez du arau aldaketa honek zer ekarriko ote duen zehaztuko duenik “aurreikusi ezina eta zehaztu ezina” delako Ministerioaren Zuzendaritza Nagusiak berak adierazi bezala, eta autonomia erkidegoen aurrekontuei eraginiko die; amaitzeko, eragile sozialei ere “bete ezin diren” gai batzuk hitzematen die”, deitoratu du Agirretxeak.

“Titularrak baino, akordioak bilatzea da zure zeregina”, amaitu du Euskal Taldeko diputatuak.