Zaldibarko EAJ-PNVk EH Bilduren utzikeria instituzionala salatu du, ia bi urtez geltokirako sarbideko igogailua martxan jarri gabe mantentzeagatik
Jeltzaleek kudeaketa eta argitasun falta kritikatu dute, eta azalpenak eskatu dituzte, oraindik herritarrei zerbitzurik ematen ez dien azpiegitura amaituagatik.
24Martxoak MartxoaK 24 |
ZALDIBAR
Zaldibarko EAJ-PNVk EH Bilduren utzikeria instituzionala eta konpromiso falta salatu ditu Zalduaran kalea tren geltokiarekin lotzen duen igogailuaren egoeraren aurrean. Instalatu zenetik ia bi urte igaro ondoren, oraindik ibili gabe jarraitzen duen azpiegitura da.
Alderdi jeltzaleak gogorarazi duenez, duela hilabete batzuk helarazi zioten asuntua Udalari, “inoiz martxan jarri ez den” instalazio baten inguruan bizilagunek duten kezka ikusita. Une hartan, arazoa Euskal Trenbide Sareari zegokiola eta egoera konpontzeko bidean zegoela adierazi zitzaien.
Hala ere, igogailuak udal-titulartasunekoa izan behar zuen, eta, gaur egun, Udalaren esku dago igogailua martxan jartzea. “Denbora horretan guztian, halako erantzukizunik ez zegoen, instalazioak ibili gabe jarraitzen zuen bitartean”, kritikatu du EAJ-PNVk.
Gogoratu behar da geltokiaren inguruan ETSk kudeatutako bi igogailuek normaltasunez funtzionatzen dutela hasieratik, eta hirugarrena, berriz, Zalduaran kaleari zerbitzu zuzena ematen diona, ez dela inoiz martxan jarri. “Utzikeria instituzionala eta argitasunik ezaren adibide garbia da. Arazoa ia bi urtetan ez konpontzeaz gain, arazoa konpontzeko erantzukizuna nork zuen ere nahastu da”, adierazi dute jeltzaleek.
Zer egin du Udalak denbora guzti honetan?
Azaldu dutenez, beharrezko jarduera teknikoak dagoeneko eginda daude, eta martxan jartzeko baimena baino ez da falta. “Orain esaten da egun batzuen buruan operatibo egon daitekeela, baina galdera agerikoa da: zer egin du Udalak denbora guzti honetan hau lehenago konpondu ez dadin?”, zalantzan jarri dute.
EAJ-PNVren ustez, kasu honek kudeatzeko modu “geldoa, pasiboa eta ez oso gardena” islatzen du, eta, azkenean, herritarrei zuzenean egiten die kalte. “Ez gara egiteke dagoen obra bati buruz ari, baizik eta ia bi urte zerbitzurik eman gabe daramatzan azpiegitura bati buruz. Ez da onargarria hori gertatzea Udalaren bultzada faltagatik”, azpimarratu dute.
Gainera, gogorarazi dute egoera horrek auzokide askoren egunerokotasunari eragiten diola, denbora horretan zehar ezin izan baitute funtsezko sarbiderik erabili. “Azpiegitura publiko bat hilabeteetan erabili gabe egotea normalizatu da, Udalak beste aldera begiratzen zuen bitartean”, salatu dute.
Horregatik guztiagatik, Zaldibarko EAJ-PNVk gertatutakoari buruzko azalpen argiak eskatu dizkio EH Bilduko gobernu taldeari, eta berehala jardun dezala igogailua beste atzerapenik gabe martxan jartzeko. “Herritarrek erantzunak eta konponbideak merezi dituzte, ez aitzakiak eta atzerapen etengabeak. Kudeaketa faltak ezin ditu zaldibartarrak zigortzen jarraitu. Gobernatzea erantzukizunak hartzea eta irtenbideak garaiz eta formaz ematea da”, amaitu dute.
