Kongresuak berrerortze anizkunari aurre egiteko lege proposamena onartu du, Euskal Taldearen babesarekin
Hala, talde jeltzaleak euskal hiritargoak adierazitako kezka bati erantzutea lortu du, Euskadin errefortzuko epaile kopurua handitzea lortuz eta delituak behin eta berriz egiten dituztenak hobeto jazartzeko neurriak babestuz
Kongresuak gaur, ostegunarekin, onartu du Zigor Kodea eta Prozedura Kriminalaren Legea aldatzeko Lege Organikoaren Proposamenaren irizpena, antzeko delituak behin eta berriz egiten dituzten pertsonak jazartzea errazteko. Euskal Taldeak babesa eman dio ekimenari, batzordeko negoziazio-aldian transakzio-zuzenketa batzuk bultzatu eta adostu ondoren. Zuzenketa horiek balio izan dute bai delitu arinen kasuan isunak edo zehapenak doitzeko, bai eta fenomeno horri erantzuteko tresna gehiago lortzeko ere.
Segurtasuna da euskal gizartean kezkarik handiena eragiten duen gaietako bat, eta Euskal Taldeak arazo honi heldu nahi dio "alarmismorik gabe baina erabakiak hartuz" Maribel Vaquero Euskal Taldearen bozeramaileak behin eta berriz esan duen bezala. Delitu horiek larriak ez badira ere (behin eta berriz eginiko lapurretak, esaterako), segurtasun-gabeziaren eta zigorgabetasunaren pertzepzioa sortzen dute gizartean, behin eta berriz egiten direlako.
Talde jeltzaleak Parlamentuko taldeekin negoziatu du gai hau, Juntsek bultzatutako ekimen honek lau gai garrantzitsu barne har ditzan. Alde batetik, Zigor Kodea aldatzen da, berrerortze anizkuneko kasuetan zigorrak gogortzeko: isuna mantendu egiten da ebasketak hiru baino txikiagoak eta 400 euro baino gutxiagokoak badira; baina laugarren ebasketa zigortu egiten da ebasketa egiten duen pertsonaren kondena-historialaren arabera, "proportzionaltasuna errespetatzen duen mailaketa" errespetatuz, proposamenaren eztabaidan Mikel Legarda diputatu jeltzaleak azaldu duen bezala. Era berean, beste bi kasutan urtebetetik hiru urtera bitarteko espetxera igaroko dira: bata da mugikorren ebasketa, ez balio ekonomikoagatik, baizik eta gizartean duen garrantziagatik, pertsonen intimitateari nola eragiten dion, eta bestea da nekazaritza-ustiategietako tresnen ebasketa.
Gainera, epaiaren zain dauden ebasketetan, kautelazko neurriak gehi daitezke, hala nola leku jakin batzuetatik urruntzea, delitu horiek egiten dituztenek zigorgabetasunez jarduten jarrai ez dezaten.
Euskal Taldeak defendatzen du intzidentzia-aniztasuna jazartzeko, zigor-alderdiari heltzeaz gain, justizia-administrazioari tresna nahikoak eman behar zaizkiola delitu horiek garaiz eta behar bezala epaitu ahal izateko.
Horregatik, Prozedura Kriminalaren Legearen aldaketen bidez, lurralde-atxikipeneko epaileen kopurua handitzea bermatzen da. Legea argitaratzen denetik bi urteko epean, autonomia erkidego bakoitzeko Justizia Auzitegi Nagusiek 100.000 biztanleko Lurralde-atxikipeneko epaile bat izan eduki beharko dute (JAT). Horrek esan nahi du Euskadin bikoiztu egingo dela kopurua, egungo 10etik 20ra. Lanpostu hutsak betetzeko, ordezkapenak egiteko edo lan-karga handiena duten epaitegiak indartzeko balioko duen epaile-hornidura berria sustapen berriekin beteko da.
Azkenik gehitu da udalak delitu errepikatuen kasuetan pertsonatu ahal izango direla
Behin Kongresuan onartuta, Lege Proposamena Senatura bidaliko da bertan parlamentuko izapideekin jarraitzeko.
