Jone Berriozabal: "Ez populismorik ezta erradikalismorik ere, ABB berriak Arabako gizarteak nahi duen proposamen zentzudun eta moderatua eskainiko du"

Arabako irrati publikoari eskaini dion lehen elkarrizketan, Araba Buru Batzarraren presidente Jone Berriozabalek adierazi duenez, "Arabako gizarteak merezi du gure proposamenak zein diren, lurralderako zer nahi dugun eta gure lehentasunak zein izango diren esatea". Zentzu horretan, Berriozabalek adierazi duenez, "EAJ-PNVk ez du populismo edo erradikaltasun ariketarik egingo. Proposamen zentzuduna eta moderatua egingo dugu, eta ulertzen dugu hori dela Arabako gizarteak nahi duena". Hala alderatu ditu proiektu jeltzalea eta ezker abertzalearena. "Egia da azken hau goranzko joera izaten ari direla, baina egia da horrek zerikusia duela komunikazio-ariketa ez oso garden batekin. Hauteskunde programak aztertu eta adierazpen publikoekin alderatuz gero, ezberdintasun ikaragarria dago bien artean, eta Arabako gizarteak argitasuna merezi du", ziurtatu du.

Jone Berriozabalek Arabako lurralde zuzendaritza berriaren osaera goraipatu du, "% 100ean berritua eta iraganarekin loturarik ez duena". "Profil desberdineko belaunaldi baten parte gara, eta horrek aberastu egiten gaitu alderdi gisa, eta irtenbide onean jartzen gaitu identifikatuta etorkizunera begira izango ditugun erronkei aurre egiteko", adierazi du. "Aldatu den gizarte batentzat politika egiteko modu berri bati heldu diogu", adierazi du, "ABB osatzen dugun pertsonok argi dugu hurbiltasun-politika bat egin behar dugula, bai barne-mailan, bai Arabako gizartearekin, komunikazio-bide iraunkorrak ezarriz, ez bakarrik informazioa eskaintzeko, baizik eta baita informazioa jasotzeko ere". "Gure erronketako bat da datozen udal eta foru hauteskundeetara iristea, EAJ-PNVk Arabako gizartean duen erreferentzialtasuna areagotzeko alderdi indartsu gisa", gaineratu du.

Arabako alderdikideek alderdiarentzat eta lurralde osoarentzat aurkeztutako proiektuan jarri duen konfiantzagatik "pozik" agertu da Araba Buru Batzarraren presidente berria, eta joan den larunbatean amaitu zen barne hauteskunde prozesua "aberasgarria, ona eta ilusionagarria" dela esan du. "EAJ-PNV alderdi demokratiko eta bizia da,eta osasuntsu dago, eta normaltasunez heltzen die aurre bere barneko hauteskunde-prozesuei, eta naturaltasunez egiten dio aurre hautagai ezberdinen arteko elkarbizitzari".