Irungo EAJ-PNVk San Pedro eta San Martzial jai zoriontsuak opa dizkizue!

Badira egun batzuk Irun jaietan murgilduta dagoela. Irundar guztiek, gogoz espero eta desiratzen zituzten egunak. Azken urteotan, pandemiak gure ospakizuna bi urtez jarraian atzeratzera behartu gintuen, eta gure festak berriro ere behar bezala ospatzeko, itxaron behar izan dugu, bai, baina ondo egin dugu.

Irungo EAJ-PNVk San Pedro eta San Martzial jai zoriontsuak opa dizkizue! 27Ekainak
2022 2022 EkainaK 27 |
IRUN

PARTEKATU

Joan den ekainaren 23an, bi ekitaldi esanguratsurekin, San Pedro eta San Martzial jaiei hasiera eman genien: San Joan suaren piztea eta ASPACE Gipuzkoa elkarteak, udaletxeko balkoitik egindako agurra. 2022a, gainera, urte berezia da haientzat ere; aurten, 50 urte ospatzen ditu garunparalisia eta antzeko alterazioak dituzten pertsonekin lan egiten duen elkarte honek, baita haien familiekin ere, haien bizi-kalitatea hobetuz. Batez ere, konpromiso etiko batetik abiatuta egiten dute lan, eskubide osoko herritar gisa, beraien hirian aktiboki parte har dezaten. Irungo herritar guztientzako agur berezia, eta aukera bikaina aniztasun funtzionala (garun-paralisia) duten pertsonak eta ASPACE Gipuzkoak egiten duen lana ikusarazteko.

Horren harira, Irungo EAJ-PNVko bozeramailea den Xabier Iridoyk, gure hiria pertsona guztientzat egokitzen jarraitzearen garrantzia azpimarratu nahi izan du, "Irun sozialki kohesionatuagoa egin behar dugu, pertsona guztiek aukera berdintasuna izan dezaten". Era berean, nabarmendu du, "jaiek lagunen artean, senideen artean eta herritar guztien artean ondo pasatzeko eta gozatzekogunea izan behar dute. Egun hauetan Irungo kaleak sentimenduz, alaitasunez eta emozioz betetzea espero dugu, betiere pertsona guztiekiko errespetuz eta tolerantziaz".

Azkenik, urtero bezala, Irungo EAJ-PNVtik egun hauetan antolatutako ekitaldietan parte hartuko dugula jakitera eman nahi dugu. Bizi dezagun gure jaia pozez eta emozioz, errespetuz eta ondo pasatzeko gogoa nagusitu dadila beste ezeren aurretik. GORA IRUN! GORA SAN MARTZIAL!

 

Interesatu Zaitez

Ikusi gehiago
Aitor Esteban: “Estatuko gobernuak, kolore batekoak zein bestekoak, lotsaz gorrituta egon beharko lirateke Estatutua bezalako Lege Organiko bat ez betetzeagatik”
17 Ekaina | EBB

Aitor Esteban: “Estatuko gobernuak, kolore batekoak zein bestekoak, lotsaz gorrituta egon beharko lirateke Estatutua bezalako Lege Organiko bat ez betetzeagatik”

RNEn eman duen elkarrizketan, jeltzaleen buruak argi esan du eskuduntzen transferentziak ezin direla “lagapentzat” edo “emakidatzat” hartu edo kalifikatu. Extremadurako gobernagarritasun akordioari dagokionez esan du alde batetik “aurreikusteko modukoa” zela eta, bestetik, “kezkagarria” ere bai “eskuin muturraren gorakada” dakarrelako. PSOEri ere begiratu dio Estebanek: “Hurrengo hauteskundeei begira, ondo datorkio, baina `zuriaren eta beltzaren arteko lehia hori´ hutsegite bat da, gizartean behar ez den tentsioa eragiten du”
Euskal Taldeak espazio publikoetan arma zorrotzak eramatea murrizteko neurriak hartzea erreklamatu dio Gobernuari:
15 Ekaina | Kongresua

Euskal Taldeak espazio publikoetan arma zorrotzak eramatea murrizteko neurriak hartzea erreklamatu dio Gobernuari: "Zer epetan egitea hitzematen duzu?"

Mikel Legarda diputatuak esan du beharrezkoa dela arautzea “interpretazioetarako aukerarik eman gabe”, eta prebentziozko neurri gisa eskatu du hiritarrei informazio gehiago ematea

HARREMANETARAKO

EZAGUTU EAJ-PNV

ERAKUNDEAK

BURU BATZARRAK

Licencia de Creative Commons