Europako funtsetan erregioen parte hartze handiagoa erreklamatu du Izaskun Bilbaok, klima aldaketarako duten garrantzia gogoan
EAJ-PNVko diputatuak erregioen parte hartze handiagoa eskatu du gaur Europako suspertze eta erresilentzia planaren funtsen banaketarako, erregioek eta hiriek klima aldaketaren kontrako politiketan eta Batasunaren plan honen helburuetan duten zeregina kontuan harturik. Izaskun Bilbao Barandicak Glasgow hirira eraman den CP26ari buruz Estrasburgon egin den eztabaidan berretsi du halako foroetan erabakitzen diren irizpide globalak “tokian tokiko egitate bihurtzen direla”
20Urriak 2021 2021 UrriaK 20 |
Europako Legebiltzarra
Eurodiputatu jeltzaleak txalotu egin ditu Klima Aldaketari buruzko Nazio Batuen Konferentziaren eta Glasgowko CP26 horren akordio globalak, baina azpimarratu du helburu horiek betetzea lotuta dagoela Next Generation funtsen erabilera egokiarekin, “funts horiekin gure mugikortasuna, gure ekonomia, gure kontsumo-ohiturak eraldatu eta iraunkortasunean eta erresilientzian aurrera egin nahi baitugu. Horregatik, akordio horiek txalotzen ditugun indar berarekin gogorarazten dugu helburu eta printzipio horiek egitate bihurtzen direla toki-mailan”.
Ildo horretan, Izaskun Bilbao Barandicak gogorarazi du eskualdeetako aliantza indartsuak daudela, hala nola Euskadi buru duena, hurbiltasunetik abiatuta konpromisoa, lana eta lidergoa eskaintzen dutenak. Tokiko eta eskualdeko lan horrek aurrera egin dezan, nabarmendu du gobernantza-maila horrek errekonozimendua eta benetako parte-hartzea behar duela tresna horien kudeaketan. Horregatik, komenigarria litzateke goi-bilera horiek toki- eta eskualde-mailako parte-hartze handiagoa izatea.
