Izaskun Bilbaok arrantza-sektorearentzat erreklamatu ditu berdintasuna, aintzatespena eta prestakuntza, belaunaldien arteko erreleboa bermatzera begira

Izaskun Bilbao Barandica Europako Parlamentuko EAJ-PNVko diputatuak begi onez hartu ditu arrantzaren sektorean belaunaldien arteko erreleboa bermatzera begira Europako Parlamentuak gaur goizean onartu duen txostenean egindako hainbat ekarpen. Jeltzaleek egin dituzten eta behin betiko testuan jaso diren zuzenketen artean ondorengoak nabarmendu behar dira: berdintasunaren eta emakumeen enplegu osagarriaren onarpen osoaren aldeko apustua egiten dutenak, iraunkortasunera eta Europako sektorearen irudia dibertsifikatzera eta hobetzera bideratutako sektoreko lanbide-heziketa prediktiboa, munduko ingurumen-eta gizarte-arau zorrotzenekin konprometitua
Izaskun Bilbaok arrantza-sektorearentzat erreklamatu ditu berdintasuna, aintzatespena eta prestakuntza, belaunaldien arteko erreleboa bermatzera begira
16 Iraila | Europako Legebiltzarra

Dokumentuak erantzun batzuk ematen dizkie gazteak arrantza-sektoretik datorren lan-eskaintzatik urruntzen dituzten arazo nagusiei. Batasunean, guztiz fidagarriak diren estatistikarik ezean, egiaztatu da profesionalak zahartu egin direla eta sektoreko giza kapitala gutxi berritu dela, jardueraren gogortasunak, eskatzen duen ahalegin fisikoak, arriskugarritasunak eta Batasuneko ontzietako benetako lan-baldintzen ezagutza eskasak eraginda.

Era berean, egiaztatu da gero eta emakume gehiago sartzen direla arrantzarekin zerikusia duten zenbait enplegutan, bai eta emakumeek egiten dituzten jarduera osagarriak erabat aitortu behar direla eta lanbidean sartzeko gaitasuna neurtzeko sistemak erreformatu behar direla ere. Azken batean, helburua da informazioa eta lan-baldintzak hobetzea, prestakuntza eguneratzea eta aintzatespena hobetzea, berdintasunean aurrera egitea eta emakumeek sektoreari egiten dioten ikusgarritasuna eta ekarpena aitortzea, eta, era berean, sektorearen irudia eta aintzatespena hobetzea Europan, erakargarriagoa izan dadin sektorean belaunaldi-erreleboko protagonista izan behar duten pertsonentzat.

PARTEKATU