Etxebizitza

Euskadin bizitzea ezin da luxua izan

Euskadin inork ez lioke bere bizitza proiektuari uko egin behar, etxebizitza bat eskuratzeko ezintasunak bultzatuta. Familia bat sortzeaz edo proiektu profesionala garatzeaz ari gara. Etxebizitza duina eskuratzea egiturazko arazo bihurtu da, eta zuzen-zuzenean eragiten die gazteei, langileei eta berton bizi eta bizimodua egin nahi duten pertsonei.

EAJ-PNVn argi baino argiago daukagu Herri erronka bat dugula gai horretan, eta horrek eskatzen digula konponbide serio eta iraunkorrak abiaraztea. Erronka handia da, hori bai, gizarte kohesioa mehatxatzen duena, baina frustrazioaren eta blokeo sentsazioaren aurrean, errealismotik eta erantzukizunetik lan egitea proposatzen dugu, ezinezkoak hitzematen dituzten diskurtsoetatik urrun.

PARTEKATU

Etorkizunerako konponbideak eraikiz

Arazo konplexuek ezin dute konponbide magikorik izan. Ez dira konpontzen, ez eslogan errazekin ezta demagogiarekin ere. Hori dela eta, asmo handiko politikak garatzen ari gara, politika eraginkorrak, Euskadin etxebizitza eskuratzea errazagoa izan dadin.

Euskadiko etxebizitza etorkizunerako berme izan behar da berriz, eta ez desberdintasun iturri. Gai honekin arduratuta dauden pertsona guztioi esan nahi dizuegu etxebizitza alorrean konponbidea egon badagoela- eta dagoeneko lantzen ari garela.

Etorkizunerako konponbideak eraikiz
Etorkizunerako konponbideak eraikiz

Euskadiko etxebizitza eredua

Etxebizitza propioa izateko ereduaren alde egiten dugu, eredu orekatu eta eraginkorra, sektore pribatuarekiko lankidetzan eta konpromiso soziala helburu. Gure asmoa argia da: etxebizitza gehiago eraikitzea eta arinago egin ahal izatea, jakin dakigulako ezin zarela betiko zain egon.

Eusko Legebiltzarrean bultzatu dugun Etxebizitza Legea, esandakoa egiteko tresnarik eraginkorrenetakoa izango da. Etxebizitza gehiago egingo ditugu, sozialak eta askeak, alokatzeko etxebizitzen eta etxebizitza tasatuen eraikuntza arinduz. Gainera, burokrazia murriztuko dugu eta hirigintzako kudeaketa erraztuko dugu.

Eta ez gara ahaztuko hutsik dauden etxebizitzak merkaturatu beharraz, jabeei pizgarriak emanez, alokairuan jar ditzaten eta merkatu orekatuagoa ahalbidetuz. Lurzoruaren erreserba estrategikoa sortzen ari gara, udalekin are lankidetza handiagoa garatuz. Azken finean, nola eta non bizi nahi duzun erabaki ahal izan dezazun.

Eskaintza zabalagoa, laguntza gehiago eta aukera gehiago

Euskadiko erakundeetan, EAJ-PNVren lidergopean, hainbat ekimen jarri ditugu martxan etxebizitzaren erronkari irtenbidea emateko.

  • GazteAval, lehen etxea erosi nahi duten gazteei hipoteka-sarreraren % 20 ematen diena (Eusko Jaurlaritza).
  • Alokatzeko GazteLagun laguntzak, hilean 300 eurorekin 36 urte bete arte (Eusko Jaurlaritza).
  • Emantzipatzeko Emantzipa Laguntzak, 24 hilabetera arte, hilean 300 eurorekin, 25 eta 29 urte bitartean (Eusko Jaurlaritza).
  • Kenkariak errenta-aitorpenean, ohiko etxebizitzaren edo etxebizitza-kontuaren hipoteka-maileguagatik (foru-aldundiak).
  • Etxebizitzak birgaitzea bultzatzea, eraberritzeko eta birgaitzeko laguntzak emanez (Eusko Jaurlaritza eta Foru Aldundiak).
  • Baldintza egokiak betetzen dituzten lonjak etxebizitza bihurtzea erraztea (Eusko Jaurlaritza eta udalak).
  • Etxebizitza berriak eraikitzeko lurzoruaren erreserba estrategikoa sortzea (udalak).
Eskaintza zabalagoa, laguntza gehiago eta aukera gehiago
Oreka handiagoa eta erantzukizun handiagoa

Oreka handiagoa eta erantzukizun handiagoa

Etxebizitza-eskubidea segurtasun juridikoarekin eta erantzunkidetasunarekin uztartzen duen eredu bat defendatzen dugu.

  • Merkatu tentsionatuko eremuetan turismo-ostatuak debekatzeko bidean aurrera egingo dugu.
  • Prezioak aldi baterako kontrolatzeko neurriak aplikatzen ditugu, espekulazioa eta gehiegikeriak saihesteko.
  • Hutsik dauden etxebizitzak mobilizatzen ditugu BiziGune programaren bidez, alokairu eskuragarrian jartzen dutenak sustatuz.
  • Segurtasun juridiko handiagoa ematen diegu ez ordaintzeagatiko aseguru bat duten alokairuko etxebizitzen jabeei.
  • Kalteberatasun-egoeren ardura administrazioek hartzea lortzen dugu, eta ez jabe txikiek.
  • Prozesu judizialetarako izapideak arintzen ditugu bizilekua usurpatu eta bortxatzen den kasuetan.

HARREMANETARAKO

EZAGUTU EAJ-PNV

ERAKUNDEAK

BURU BATZARRAK

Licencia de Creative Commons