Euskadi, Frantzia, Italia eta Alemaniaren aurretik
Euskal Autonomi Erkidegoa eta Nafarroa dira, Madrilekin batera, espainiar Estatuaren barruan hiru komunitaterik aberatsenak, eta Europako bataz besteko errentaren gainetik, Eurostat estatistika bulegoak egindako txostenaren arabera. Txosten honetan, 2002 urteko errenta mailak alderatu dira, Europako Batasuna osatzen duten hogeita bost Estatuetako 254 erregioen artean.
Iturria: El Periódico de Catalunya
26Urtarrilak 2005 2005 UrtarrilaK 26 |
Berria
Eurostat-en txostenak iragarri duenaren arabera, Euskal Autonomi Erkidegoaren errenta maila espainiar Estatuko bigarrena da, Madrilen ondotik, eta Europako Batasunakoaren bataz bestekoa baino %17,8 altuagoa. Jarrain agertzen dira Nafarroa ( %117,1), Katalunia ( %113,3), eta Balear Irlak (%109,9).
Ehunekoetan baino, erabateko kopuruetan adieraziz gero, Euskal Autonomi Erkidegoaren errenta 24.934 euro da urteko eta biztanleko, eta Nafarroarena 24.790 euro. Hau da, Frantzia (23.908), Italia (23.073), Alemania (23.005), Europako Batasunaren bataz bestekoa (21.172) eta Espainiaren (20.020) gainetik.
Europako Batasuneko bost erregiorik txiroenak Polonian daude eta beren "per capita" bataz bestekoa %32tik %36ra bitartekoa da. Erregiorik aberatsenen artean, berriz, lehenengoa London erdigunea da, % 315 per-capitaz. Ondoren, Brusela (%234,4), Luxemburgo (%212,6), Hamburgo (%187,8) eta Paris (%176,1). Europako Batasunaren kide berrien artean Praga da bataz besteko horren gainetik dagoen bakarra, % 152,8.
