EAJ-PNVk Europako Arrantza komisarioari adierazi dio arrantza-sektorea babesteko finantza-esparru berriaren proposamenak inboluzioa dakarrela Euskadik EBko maila anitzeko gobernantzan parte hartzeko

Estefanía Beltrán de Herediak Europako Arrantza eta Ozeanoetako komisarioari adierazi dionez, "EBko maila anitzeko gobernantzan eskualdeek parte hartzeko inboluzioa ematen da, batez ere Euskadi bezalako eskualdeetan", arrantzarako funtsak jasotzea gobernantza makroekonomikoaren mende izatean, eskualdeen gizarte-errealitateak eta produkzio-egiturak kontuan hartu gabe. EAJ-PNVk Europar Batasunerako Batzorde Mistoan duen bozeramaileak Costas Kadis komisarioaren agerraldian azaldu duenez, "programak estatu mailako erreformetara egokitzeko presioa areagotzen du, Europako eskualdeen kohesio-beharrak kontuan hartu gabe".

Era berean, adierazi du EAJ-PNV kezkatuta dagoela arrantza-sektorera bideratutako funtsak %67 murriztu direlako eta beste funts batzuekin batera integratu delako. "Horrek itxuragabetu egin dezake arrantza-sektorea estrategiko bezala. Tratamendu espezifikoa eman behar zaio, finantza-esparru propio, sendo eta anbizio handiagokoa", eskatu du Beltran de Herediak. Senatariak ontzidia modernizatzeko eta deskarbonizatzeko premia azpimarratu du, Estatuko flotaren ingurumen-jasangarritasunarekiko konpromisoa eta ahalegina baloratuz. "Baina administrazioen laguntza behar du, eta, batez ere, segurtasuna eta finantza-laguntza, erronka handi horiei aurre egiteko eta inbertsioak ordenan planifikatzeko eta errentagarritasun ekonomikoa eta etorkizunerako bideragarritasuna bermatzeko".

Bestalde, ardura agertu du Europako iparraldetik kanpoko herrialdeek, Norvegiak kasu, egiten dituzten arrantza-kuoten autoesleipenagatik, batez ere berdelaren, antxoaren eta legatzaren kasuan. Europak ahalegin handia egiten du baliabideak eta biomasa mantentzeko eta iraunarazteko, baina herrialde horiek kuota handitzen dute "eta horrek eragin negatiboa du", adierazi du Beltran de Herediak. Kadis komisarioari proposatu dio akordioak bilatzea, Europar Batasuneko herrialdeek ere Ipar Itsasoan egon litekeen kuota horren banaketan parte har dezaten. Gainera, kontrol egokia ez eramateagatik edo arrantza jasangarriko eta errespetuzko teknikak ez erabiltzeagatik herrialderen batekin hautsita geratutako akordioren bati berriro ekitea planteatzen ari diren galdetu du, arrantzarako lekuak galduz. “Honekin, ozeanoak babesten eta gure sektorearen iraunkortasuna bermatzen lagunduko genuke". Azkenik, kuoten banaketa urte anitzekoa izatea eskatu du. "Salbuespeneko egoerak daudenean izan ezik, jarraipen-bitartekoek, azterketa zientifikoek eta abarrek urte anitzeko kuota horiek berrezartzeko adina datu izatea ahalbidetzen dute. Sektoreari nolabaiteko segurtasuna eta iraunkortasuna bermatuko lioke bere jarduera planifikatzerakoan".