EAJk Aranako makrozentroaren aurkako jarrera berretsi du eta gaur iragarritako birdimentsionamendua aldebakarreko erabaki berria dela adierazi du
ABBko presidente Jone Berriozabalek atzo Eusko Legebiltzarrean adostasuna eskatu eta gaur inposizio berri bat iragarri dutenen inkoherentzia eza aurpegiratu du
31Urriak UrriaK 31 |
ABB
EAJ-PNVk Gasteizko Arana auzoan proiektatutako errefuxiatuen makrozentroaren aurkako jarrera berretsi du gaur, eta proiektua geldiarazteko eskatu du. "Hasiera-hasieratik kontra agertu ginen, eta geldiarazteko eskatzen jarraitzen dugu. Ez 350 plazarekin, ez 200ekin. Gaur iragarritako birdimentsionamendua Espainiako Gobernuaren inposaketa berri bat da ", gogorarazi du Jone Berriozabal Araba Buru Batzarreko presidenteak.
Izan ere, Gasteizko alkateak Ministerioaren aldebakarreko erabaki berri bat iragarri du gaur, PSEk, Bildu eta Sumarrekin batera, Eusko Legebiltzarrean proiektuaren inguruko elkarrizketa eraikitzailea eskatzeko testu bat adostu eta hurrengo egunean. "Aldebakarreko erabaki berri baten aurrean gaude, eta erabaki honek ez dio inolako adostasun edo elkarrizketa partekatuari erantzuten", adierazi du.
EAJ-PNVk ere harridura agertu du EH Bilduren eta Sumarren jarrera aldaketaren aurrean, orain arte proiektuaren aurka zeuden alderdiak baitziren. "Orain arte, PSEk bakarrik defendatzen zuen Espainiako Gobernuak inposatutako proiektu hau. Orain Bildu eta Sumar batu zaizkio taktizismoagatik", azpimarratu du Berriozabalek.
ABBk EAEko harrera-ereduari erantzuten dioten azpiegituren aldeko apustua berretsi du, eredu horrek baliabide txikiagoak eta arreta pertsonalizatua lehenesten baititu. Aranako makrozentroak ez du adostasun instituzionalik, ezta sozialik ere.
