EAJ-PNVk salatu du Udal Gobernuak nahita bilatzen duela emakume hondarribiarren zati bat Berdintasun Planetik kanpo uztea
EAJ-PNV Udal Taldeak alegazioak aurkeztu dizkio Hondarribiko II. Berdintasun Planaren zirriborroari, plan benetan plurala, inklusiboa eta hiriko emakume guztiak ordezkatzen dituena eskatuz.
29Urriak UrriaK 29 |
HONDARRIBIA
Planak, aurkezten den bezala, partzialtasun-arazo larria islatzen du. Alkateak sarreran dio Udala "berdintasunarekin konprometituta" dagoela eta diagnostikoa modu estrategikoan eta tokiko errealitatera egokituta egin dela, baina errealitateak kontrakoa erakusten du: alarde parekide bakarra egitea defendatzen ez duten emakumeak sistematikoki baztertu dira. Emakumeak arrazoi ideologikoengatik diskriminatu ditu.
EAJ-PNVk salatu du Udal Gobernuak Berdintasun Plana erabili nahi duela emakume batzuk babesteko eta beste batzuk diskriminatzeko. Partzialtasun horren adibide garbia da "emakumeen eskubideen defentsan berdintasunezko alardearen aldeko pertsonek jasandako indarkeria" aitortzeko proposamena. Neurri horrek ez ditu kontuan hartzen erasoak jasan dituzten beste emakume batzuk, prozesu partzial, bidegabe eta gatazkatsua ireki baitute, eta horrek are gehiago polarizatu dezake hiriko bizikidetza.
Udalak ezin du berdintasun-plan bat eraiki Hondarribiko emakumeen zati bat baztertuz eta diskriminatuz. Berdintasuna ez da eraikitzen ikuspegi bakarra inposatuz, ezta biktima batzuk ideologiaren arabera soilik aitortuz ere.
EAJ-PNVk aurkeztutako alegazioek honako hau eskatzen dute:
• Lantaldearen osaera handitzea, aniztasun politikoa eta soziala bermatzeko; izan ere, gobernu-taldeko kideek eta udaleko teknikariek baino ez dute osatzen.
• Berdintasun Mahaiaren funtzionamendu-oinarriak berrikustea, edozein betekizun ideologiko ezabatuz.
• Esplizituki txertatzea iritzi, sinesmen edo gizarte-posizionamenduagatiko diskriminaziorik ezaren printzipioa, baita kultura- edo jai-gaietan ere.
EAJ-PNVk azpimarratu du, gainera, berdintasunerako plan foral edo autonomiko batek ere ez duela Alardeari buruzko aipamen espezifikorik jasotzen, eta berdintasunerako udal-politikaren ardatz bihurtzeak gizarte-kohesioa hausten duela. Herritarren artean zatiketa sortzen du. Eta berdintasuna ezin da zatiketarako tresna izan. Topagune bat izan behar du, Hondarribiko emakume guztiak bilduko dituena, bazterketarik gabe.
