Astigarragak gardentasuna behar du
Ia bi urte igaro dira EH Bilduko udal gobernuak oposizioarekiko erakusten duen jarreraz ohartarazi nuenetik. Zoritxarrez, egoerak ez du hobera egin; alderantziz gero eta kezkagarriagoa da. Alkateak eta bere taldeak ez dute desadostasunik onartzen; botoa aldekoa ez bada, neurriz kanpo erreakzionatzen dute; artikulu bat idazten bada, plenoan edo kalean oldartzen gaituzte.
02Urriak UrriaK 02 |
Astigarraga
Garai hartan nire kezka azaldu nuen, argi ikusi nuelako Bilduk ez zuela inolako kritikarik onartuko eta ez zuelako onartuko ere publikoki agerian uztea asko agintzen dutela baina gutxi bete. Ordutik ia bi urte igaro dira, eta egoerak ez du hobera egin: berdin jarraitzen du, edo are okerrago dago.
Iraileko osoko bilkura, aste honetan bertan egindakoa, horren adibide argia izan da. Aitzakiak izan dira autobus zerbitzuan, DBHren inguruan, anbulatorio berrian, baita Santiagomendiko egoeran eta etendako bilketa zerbitzuan ere. Bide-segurtasunaz ere berdin. Beti aitzakiak, eta beti EAJ-PNVri zuzendutako erasoekin lagunduta.
Iraileko osoko bilkura, aste honetan bertan egindakoa, horren adibide garbia izan da. Aitzakiak autobus zerbitzuaren inguruan; aitzakiak DBHri dagokionez; aitzakiak anbulatorio berriarekin; Santiagomendiko egoerarekin eta etendako bilketa zerbitzuarekin ere bai; baita bide-segurtasunari dagokionez ere. Beti aitzakiak, eta noski EAJ-PNVri zuzendutako erasoak. Egoera gure bozeramaileari erakutsitako jarreragatik zinegotzi batek barkamena eskatu behar izan duen punturaino iritsi da. Benetan tamalgarria.
Gardentasunez jokatzeko, beharrezkotzat ikusten dut osoko bilkura guztiak zuzenean grabatu eta emititzea. Horrela, astigartarrek gertatzen dena bertatik bertara ikusi eta entzuteko aukera izango lukete. Baina EH Bilduk ez du horretarako borondaterik erakutsi, eta, ondorioz, legealdi honetan ez da posible izango. Eta horren kaltetu nagusiak herritarrak dira.”
Egoera honek ez ditu soilik desberdintasun politikoak agerian uzten, baizik eta gobernatzeko modu gero eta ilunagoa. EH Bilduk kritika pertsona-eraso gisa hartzen du, emaitzarik eza aitzakien atzean ezkutatzen du eta gardentasun ariketa oro saihesten du. Ondorioz, astigartarrek informazioa eta konfiantza galtzen dituzte beren Udalean. Kudeaketa publikoa ezin da inoiz gardentasunik gabe edo harrokeriaz egin.
Astigarragak aurpegia emango duen gobernua merezi du, kontuak emango dituena eta seriotasunez lan egingo duena. Horregatik, EAJ-PNVk konpromiso argia berresten du, kritika eraikitzailea defendatuz, gardentasuna bermatuz eta kudeaketa ona sustatuz, gure herriak benetan merezi duen bidea hori dela uste dugulako.
