Euskadik Nekazaritza Politika Bateratua egiteko dituen proposamenak defendatzea eskatu dio Euskal Taldeak Espainiako Gobernuari
Joseba Agirretxea diputatu jeltzaleak Nekazaritza, Arrantza eta Elikadura ministroari eskatu dio NPBren hurrengo zazpi urteetarako negoziazioetan "subsidiariotasun-printzipioa" gorde dezala, "politikak herritarrengandik hurbilen dagoen mailan diseinatu eta aplikatzera begira"
24Irailak IrailaK 24 |
Kongresua
"Kezka eragiten digu Nekazaritza Politika Bateratua (NPB) erregiotetatik bertatik eraikitzen ez dela ikusteak, batez ere eskumen osoak dituzten lurraldeak eta herritarrengandik daudenak izan arren sektorearen beharrak ondoen ezagutzen dituztenak. Hori da, hain zuzen, subsidiariotasun-printzipioa, politikak herritarrengandik hurbilen dagoen mailan diseinatu eta aplikatzea eskatzen duena", adierazi du Joseba Agirretxea Euskal Taldeko diputatuak Kongresuan, Espainiako Gobernuari kontrola egiteko gaurko bilkuran. Euskal Taldeak Luis Planas Nekazaritza, Arrantza eta Elikadura ministroari eskatu dio kontuan har ditzala euskal erakundeek helarazi dizkioten proposamenak, guztiak "sektorearekin landutakoak", NPB berriaren negoziaketan, "datozen zazpi urteetan lehen sektorearen bideragarritasuna zehaztuko duen esparrua" zehaztera begira.
Euskal Taldea uste osoa du "lurralde bakoitzak, hala nola Euskadik, nekazaritza-politikak bere errealitate sozioekonomiko eta klimatikoetara egokituta aplikatzeko aukera izan beharko lukeela, eraginkortasuna eta hurbiltasuna bermatuz". Ildo horretan, Agirretxeak "aurrekontuz ondo hornitutako NPB bat" eskatu du, "sinpleagoa eta ez hain burokratikoa", baina batez ere egungo "akatsak" saihestuko dituena, bata Europan islatuz eta bestea Estatuan.
"Abiapuntua bada estatuen barne-banaketa politikoa eta lurralde bakoitzeko errealitate agronomiko, sozioekonomiko eta klimatiko espezifikoak aintzat hartzen ez dituen ikuspegi zentralizatzaile bat, arriskua izango da NPB lehen sektoreari eusteko tresna eraginkorra izateari uztea eta esparru generalista bihurtzea, nekazarien eta abeltzainen benetako erronkei erantzuteko gai izango ez dena", azaldu du diputatu jeltzaleak. "Baina arazo bakarra ez da eskualdeetatik ez eraikitzea, baizik eta, gainera, Estatuak plan estrategiko bakarra duela, eta horren konfigurazioa beste akats bat dela. Eta hori jada ez da Europaren kontua, zure ministerioarena baizik", esan dio Planas ministroari.
Nekazaritza Politika Bateratuari heltzeko ekiteko modu "oker" horren ondorio negatiboak azaltzeko, Agirretxeak Arabako Errioxan gertatzen dena jarri du adibide gisa: "eremu horretako mahastizain bat hektareako oinarrizko ordainketa bat jasotzen ari da, EAEko eskualde espezifiko bat aintzatetsiko balitz legokiokeena baino % 20-30 gutxiago, eta ekoizpen-kostuak, berriz, bildu den eremuen batez bestekoan baino handiagoak dira".
Horregatik, Espainiako Gobernuari "autogobernua errespetatzeko, gobernantza sinplifikatzeko eta lurra lantzen dutenentzat eraginkorra izango den NPB bat defendatzeko" eskatu dio.
