Ustelkeria prebenitzeko Bulego bat sortzeko izapidea babestu du Euskal Taldeak, baina modifikazio “sakonak” egitea eskatu du

“Ekimen hori aintzat hartzearen alde bozkatuko dugu, baina ohartarazi nahi dugu planteatuta dagoen termino formaletan jarraitzen badu eta aldaketa sakona egin ezik, ez duela talde honen babesik eta aldeko botorik jasoko”, adierazi du Mikel Legarda Euskal Taldeko diputatuak, Sumarrek ustelkeria prebenitzeko Bulegoa sortzeko proposatu duen Lege Proposamenaren inguruko eztabaidan.

Diputatu jeltzaleak bi arrazoi nagusi aurkeztu ditu aldaketak egitea eskatzeko. Batetik, azaldu du ekimen hau 2024ko apirilean aurkeztu zela, duela urte eta erdi, alegia, eta ez duela kontuan hartzen Pedro Sánchezek iragan uztailean Kongresuan ustelkeriaren kontra aurkeztu zuen estatu plana. Hala gogoratu du Legardak Lege Proposamena sustatu duen taldea Estatuko Gobernuko kidea dela. Planean jasotzen diren 15 neurrien artean “ jasotzen zen Garbitasun publiko eta independenterako Agentzia publikoa abian jartzea, bai eta praktika ustelak prebenitzeko, gainbegiratzeko eta jazartzeko (…). Esan egin zitzaigun plana ELGAren eskutik egin zela, GRECOren eta legebiltzar taldeen proposamenekin. Horien artean Gobernuarenak egon behar zirela ulertu genuen eta orain ez da horren argi utzi”.

Plana aurkeztu den bezala, azaldu du diputatu jeltzaleak “suposatu egin beharko litzateke, gutxienez,  organismoen eta beren eginkizunen mapeoa egitea, ustelkeriaren kontra egiteko sistema publikoa razionalizatzeko prozesua garatzera begira”,  
bai eta “lege erreforma sakona eta egiturazkoa Gardentasunari, goi-kargudunei, sektore publikoko kontratuei, ustelkeria kasuen informatzaileak babesteari edo orain izapidetzen ari den lobbyen legeari eragingo liekeena”. “Horrelakorik ez da egin aurkeztutako ekimen honi proposatzen dion bulegoaren aurretik”, kritikatu du Legardak.

Bigarrenik, "bulegoaren eginkizun gehiegi” esleitzen zaizkiola kritikatu du, autonomien eskumenekin alderatuz.