Joseba Díez Antxustegik azpimarratu du Euskadi martxan dagoela eta Pradalesen Gobernuak erronka nagusiekin bat datozen neurriak bultzatu dituela
Eusko Legebiltzarreko EAJ-PNVko bozeramailearen ustez, Eusko Jaurlaritzak “herritarren kezka nagusiekin bat datozen neurriak bultzatu ditu: osasuna, etxebizitza, segurtasuna eta industria”
11Uztailak UztailaK 11 |
Eusko Legebiltzarra
Joseba Diez Antxustegi EAJ-PNVk Eusko Legebiltzarrean duen bozeramaileak Imanol Pradales Lehendakariaren Gobernuaren kudeaketaren lehen urtea baloratu du gaur goizean. Inbestiduratik urtebetera “martxan dagoen, erritmoa sartu duen eta norabidea argi duen” exekutiboa. EBBko burukide ere badenak gogorarazi du Pradalesek lidergoa erakutsi duela herritarren kezka nagusiekin bat datozen neurriak bultzatuz, hau da, osasuna, etxebizitza, segurtasuna eta industria, eta oposizioko taldeen jarrera kritikatu du, batez ere Bildurena. “Oraingoz erakutsi dute herri mailako akordioak lortzea tokatzen denean sistematikoki horietatik kanpo geratzen direla, erosoago daudela kexan konponbidean baino”, azaldu du Diez Antxustegik
Bozeramaile jeltzalearen arabera, Eusko Legebiltzarrean bizi den giro politikoa positiboa da, “azken egunotan ikusi dugun Madrilgo zaratatik eta liskarretik oso urrun baitago”, eta horretan laguntzen du Pradales Lehendakariaren eta Eusko Jaurlaritzaren jarrerak ere. “Hemen gobernatzera gaude, eta hori da herritarrek eskatzen dutena”.
Ildo horretan, legegintzaldiaren lehen urtean bultzatutako neurri nagusiak euskal gizartearen kezkekin bat datozela nabarmendu du. Horixe da, hain zuzen ere, Osasunaren aldeko Euskal Itunean lortutako akordio handiaren kasua. Itun hori babes handiarekin eta bostehun aditu ingururen lanarekin onartu da; etxebizitzaren arloko Premiazko Neurrien Legea edo gazteek etxebizitza erostea errazteko abalen lerroa; Basque Segurtasun Foroa abiaraztea, Euskadin segurtasuna handitzeko eta gogoeta egiteko; eta Euskal Finantza Aliantza, Industria Plana, Industriaren Defentsarako Taldea eta beste neurri ekonomiko eta industrial batzuk abian jartzea, Trumpen muga-zergen gerrak sortu duen ziurgabetasunari aurre egiteko. Lehendakariak Espainiako Gobernuari Euskadirako energia-kupo bat proposatu izana ahaztu gabe.
“Erosoago kexan konponbidean baino”
Euskadin legegintzaldiko lehen urteak alderdi negatiboren bat izan badu, EAJ-PNVrekin adostuta, oposizioko taldeen akordio handiak lortzeko borondate falta da, batez ere Bilduren kasuan. “Esaten dutena esaten dutela ere, azkenean beti atzera egiten dute. Eusko Jaurlaritzaren aurrekontuekin gertatu zen, berrikuspen fiskalarekin, baina Osasun Itunarekin ere gertatu da; Euskadiko segurtasuna hobetzearekin lotutako edozein ekimenekin; edo etxebizitzaren arloko Premiazko Neurrien Legearekin, Legebiltzarrean eztabaidatzearen aurka ere bozkatu baitzuten”, zerrendatu du Díez Antxustegik. “Espero dugu legealdi honetan geratzen diren 3 urteetan jarrera hori alde batera uztea eta ellarlanean jardutea, inposiziorik gabe. Oraingoz, erosoago daude kexan konponbidean baino”.
