Oihane Agirregoitia Bruselan izango da bihar Renew Europeko liderren goi-bileran
Aitor Esteban EBBren presidentea eta Miren Martiarena burukidea ezin izango dira bertan izan, Belgikan gaurko deitu den greba orokorra dela eta. Edozein kasutan, lanean hasi dira dagoeneko datorren aldi politikoaren hasieran EBko eragileekin aldebiko topaketak egiteko agenda antolatzeko asmoz
25Ekainak EkainaK 25 |
Europako Legebiltzarra
Oihane Agirregoitia eurodiputatu jeltzaleak Renew Europe taldeko buruen goi-bileran parte hartuko du bihar, ekainak 26, Bruselan. Bilera Europako hiriburuko Maison de la Posten egingo da, eta ekainaren 24an eta 25ean Hagan (Herbehereak) NATOko buruzagiek eginiko bileraren ondoren egingo da, Europako Kontseilua hasi aurreko orduetan. Bilera bihar hasi eta ostirala bitartean egingo da. Aitor Esteban EAJ-PNVren Euzkadi Buru Batzarreko presidentea eta Miren Martiarena Kanpo Harremanen Arloko burukidea ezin izango dira bilera horretan izan, Belgikan gaurko deitu duten greba orokorra dela eta, eta nazioarteko agenda batean ari dira lanean datorren aldi politikoaren hasieran Europar Batasuneko hainbat eragilerekin aldebiko bilerak egiteko.
Renew Europeko Liderren Goi-bilerak 75 eurodiputatu batuko ditu Europako Parlamentuan, eta familia politikoak datozen urteetarako izango duen ikuspegia eta zeregina definitzeko balioko du, Europako eta nazioarteko ikuspegiak aintzat hartuta.
Gailurreko ordezkari jeltzaleak, Oihane Agirregoitiak, jardunaldirako aurreikusita dauden paneletan parte hartuko du, besteak beste, Zuzenbide Estatuaren egoera, Berdintasuna, zabalkuntza edo estrategia industriala, Euskadirentzat oso garrantzitsua dena.
Goi-bileran izango dira, besteak beste, Emmanuel Macron (Frantzia), Robert Golob (Eslovenia), Michéal Martin (Irlanda), Nicuere Dan (Errumania) eta Kristen Michal (Estonia). Renew Europeren familia politikoko kide diren Europako Batzordeko komisarioek ere parte hartuko dute ekitaldian.
