Izaskun Bilbaok usurpatzailetzat jo ditu Nikaraguako agintariak eta giza eskubideei buruzko NBEren ikerketa eskatu du

Europako Parlamentuko EAJ-PNVko diputatu andre Izaskun Bilbao Barandicak bat egin du Nikaraguan azaroaren zazpian egin ziren azken hauteskunde presidentzialak iruzurrezkoak izan zirela ondorioztatu zuen hauteskunde-behaketako misioak ezagutzera eman dituen ondorioekin, hauteskundeak askatasunik gabeko egoeran eta hautagaien eta hautesleen oinarrizko eskubideen kontrako erasoen artean egin zirela iritzita

Izaskun Bilbaok usurpatzailetzat jo ditu Nikaraguako agintariak eta giza eskubideei buruzko NBEren ikerketa eskatu du 14Abenduak
2021 2021 AbenduaK 14 |
Europako Legebiltzarra

PARTEKATU

Europako Parlamentuak gaur arratsaldean eztabaidatu du eta bihar bozkatuko du Amerikako herrialde honetan egin ziren azken hauteskunde presidentzialetan egiaztatu ziren irregulartasun larrien ondoren sortu den egoera aztertzen duen erabakia. Oposizioko hautagaiak atxilotuta edo preso daudela, eta arau-hauste penalak egotzi dizkietela, benetako botere banaketarik gabe, prentsa askatasunik gabe eta tentsio handiko giro batean, krisi instituzional larria bizi du gaur egun herrialdeak. Gainera, krisi humanitario larria sufritzeko zorian ere badago, herritargoa erabat txirotuta baitago eta komunitatea indigenak baitira Daniel Ortegaren diktaduraren biktima nagusienak.

Hain zuzen ere, Nikaraguan egun erregimen autoritarioa dagoela egiaztatuta, horretaz hitz egin nahi izan du gaur EAJ-PNVren ordezkariak Estrasburgon. Izan ere, gogorarazi du herrialde hartan “hautagai gisa aurkezteak kartzela-zigorra dakarrela. Giza eskubideak defendatzea, ingurumen-jardunbide txarrei eta komunitate indigenak suntsitzeari aurka egitea, abusuak salatzea, erantzuleak adieraztea, errepresiorik gogorrena, erasoak eta jazarpena dakartza. Ez dago prentsa eta adierazpen askatasunik. Egoera horretan, azken hauteskundeak fartsa hutsa izan dira”.

Hori dela eta, Izaskun Bilbao Barandicaren esanetan “egungo agintariak ez dira dagoeneko herrialde horretako agintari legitimoak. Usurpatzaileak dira eta halakotzat tratatuak, zigortuak, beren jardunbide ustelen etekin ekonomikorik gabetuak eta Nazio Batuen Giza Eskubideen Kontseiluaren esparruan politika errepresiboengatik ikertuak izatea merezi dute”.

 

Interesatu Zaitez

Ikusi gehiago
Eusko Jaurlaritza bere 90. urteurrena ospatzen hasi da
21 Abendua | Eusko Jaurlaritza

Eusko Jaurlaritza bere 90. urteurrena ospatzen hasi da

Eusko Jaurlaritzako kide guztiak Jose Antonio Agirre buru izan zuen lehen gobernu haren egoitzan, Bilboko Carlton Hotelean, elkartu dira gaur, asteartearekin, erakundearen 90. urteurrena ospatzeko
Hirigintzako izapideak arintzea etea are segurtasun juridiko handiagoa ematea defendatu du Euskal Taldeak, eta lantaldea eratzea eskatu du etxebizitzaren inguruan izapidetzen ari diren ekimen guztiak aztertzeko
21 Abendua | Kongresua

Hirigintzako izapideak arintzea etea are segurtasun juridiko handiagoa ematea defendatu du Euskal Taldeak, eta lantaldea eratzea eskatu du etxebizitzaren inguruan izapidetzen ari diren ekimen guztiak aztertzeko

Vaquerok PPri deitoratu dio Etxebizitza Legea indargabetzea eskatu izana, “ordezko neurriak” aurkeztu gabe, eta gaitzetsi egin du Gaur Kongresuan proposatu izana hirigintza-antolamendua garatzeko EAJ-PNVk aurkeztu zuenean atzera bota zutenaren antzeko ekimen bat: "Urtebete galarazi diguzue"

HARREMANETARAKO

EZAGUTU EAJ-PNV

ERAKUNDEAK

BURU BATZARRAK

Licencia de Creative Commons