Prentsa Aretoa

Berriak

2018/01/11

Nafarroako EAJ-PNVk “zentzugabekeriatzat” jo du UPNk eta PPk Arantxa Tapiaren adierazpenen inguruan sortu duten polemika

UPNk eta PPk Euskadiko Sailburuaren adierazpenei eman dioten erantzunaren kariaz, EAJ-PNVren NBBk uste du adierazpen horien inguruan sortarazi den polemika “kezko hesia” baino ez dela azken 30 urteotan Nafarroak azpiegitura horrekin egin izan duen kudeaketa lan eskasa estaltzeko.

rss Ezagutzera eman
Nafarroako EAJ-PNVk “zentzugabekeriatzat” jo du UPNk eta PPk Arantxa Tapiaren adierazpenen inguruan sortu duten polemika

ARGAZKIA JAITSI

EAJ-PNVren Napar Buru Batzarrak gaur egin duen ohiko bileran erabateko “zentzugabekeriatzat” jo du Nafarroako UPN eta PP alderdiek Arantxa Tapia Eusko Jaurlaritzako Garapen Ekonomiko eta Azpiegitura Sailburu andreak atzo bertan egin zituen adierazpenen kariaz sortarazi duten ika-mika. Jakina denez, adierazpen horiek egin zituen Espainiako Gobernuaren gonbidapenez joan zen ekitaldian zeinetan, Espainiako Sustapen Ministerioak antolatuta, Nafarroako Prestazio Handiko Trena euskal “Y” trenbidea deritzonarekin lotzeko zatiari buruz egin den azterlana aurkeztu zen.

Nafarroako EAJ-PNVk uste du UPNk eta PPk polemika hau baliatu dutela nortasunarekin zerikusia duten gaien inguruan ohiko duten antzezkeriarekin tematzen jarraitzeko eta “hautsak harrotu izana “erabiltzen dute” gobernu ardurak izan dituzten azken hogeita hamar urteotan, azpiegitura hori gaur egun Nafarroan errealitate izan dadin, argazkia eta propagandaz aparte, fundamentuzko ezer egin ez izanagatik duten erantzukizuna” estaltzeko.

EAJ-PNVren Napar Buru Batzarraren aburuz harrigarria izan da Esparzak (UPN) eta Beltránek (PP) Sailburu jeltzalearen adierazpenei eman dioten neurrigabeko eta lekuz kanpoko erantzuna. NBBren ustetan, antzeman daitekeena da hurrengo hauteskundeei begira beren “fobiak” astintzeko lasterketa eroan sartu direla.

Zentzu honetan uste du oso baieztapen kezkagarriak egin direla, Nafarroako abertzaleak erabat baztertuta gobernatu izan duten horiek euren gaian tematuta jarraitzen dutela eta ez dutela ulertzen Nafarroa ideologikoki anitza dela eta pertsonak baskistak egon badaudela eta, gutxiengo bat izan arren, horrela pentsatzen dutela .

Beltranek Tapiaren hitzak “Nafarren kontra esandako iraintzat” joaz egin dituen adierazpenei erantzuteko, Nafarroako EAJ-PNVkook, abertzale eta nafar garen aldetik, etengabe irainduak sentitzen gara Nafarroako Parlamentuko PP taldeko bozeramaileak egin ohi dituen adierazpenengatik, eta etsipen demokratikoz asumitu beharra izaten dugu.

Jarrai ezazu Gurekin
Next Euskadi
Aberri Eguna 2018

  Agenda

2018/05/26 12:30

Barakaldoko EAJ-PNVren 120. urteurrena

12:00etan. Barakaldoko Batzokia (Paseo de los Fueros). Barakaldoko EAJ-PNVren 120. urteurrena. Ikurrinaren igoera eta aurreskua.

12:30etan. Herriko Plaza de Barakaldo. Ekitaldi politikoa. Hizlariak izango dira EAJ-PNVren EBBKo presidente Andoni Ortuzar eta Barakaldoko alkate andre Amaia del Campo

   Barakaldo 

YouTube

Twitter

Facebook

Flickr

Andoniren Bideobloga

Elkarrizketak - Gure Burukideak
Eusko Legebiltzarrerako 2016ko hauteskundeetarako EGITASMOA