'Aurrera Diharduen Indarra', udal eta foru hauteskundetarako urte bete falta dela, EAJ-PNVk Durangon egingo duen mitin handirako goiburua
'ADI 26/27' ekitaldirako aukeratu den izenburuaren akronimopean EAJk ehunka lagun batuko ditu maiatzaren 24an `Landako Gunean´. Bertan hitza hartuko dute jeltzaleen herrialde buru batzarren presidenteek, Lehendakariak eta Aitor Estebanek
24Avrilk AvrilK 24 |
EBB
Mitin handi bat, jeltzaleen buru Aitor Estebanekin, Imanol Pradales Lehendakariarekin eta Bizkaiko, Gipuzkoako, Arabako eta Nafarroako herrialde buru batzarren presidenteekin; musika eta ehunka lagun. Horiek izango dira EAJ-PNVk maiatzaren 24an Durangoko `Landako Gunean´ `Aurrera Diharduen Indarra´ goiburupean `ADI 26/27´deitu den ekitaldi handiaren osagaiak.
Horretarako aukeratu den eguna, maiatzeko laugarren igandea, ez da ausaz aukeratu, datozen urteko udal eta foru hauteskundeak 365 egunetara kokatzen baititu. Lehenago ere espazio berbera erabili izan da Estatuko hauteskundeetarako kanpainak abiarazteko. Berrikitan, bertan egin zen Imanol Pradales Lehendakaritzarako hautagaiaren aurkezpen hunkigarria. Beste behin ere, beraz, EAJ-PNVk gune horretan erakutsiko du Euskadi eraikitzen jarraitzeko tresnarik onena dela eta lan horretarako indarra eta irmotasuna badituela, lurralde eta aberri mailako ordezkarien lidergoarekin, ehunka alkate eta zinegotzi jeltzaleen eta Batzar Nagusietako eta Aldundietako ordezkarien eskutik eta ospakizunean izango diren alderdikide eta alderdizaleen babesarekin. Hitzordua 11:30etan.
- AVRILk 24 | Kartela
