Prentsa Aretoa

Berriak

2018/06/22

Barrikako EAJ-PNVk Roberto Muñoz García izendatu du 2019ko udal hauteskundeetarako alkategai

“Ilusioarekin eta erantzukizun osoz egingo diot aurre erronka honi” eta “orain neure alde daukat azken urteotan alkate izanak ematen didan eskarmentua eta herri honetako herritarren zerbitzura jartzeko asmoa daukat”, dio zerrendaburuak

rss Ezagutzera eman
Barrikako EAJ-PNVk Roberto Muñoz García izendatu du 2019ko udal hauteskundeetarako alkategai

ARGAZKIA JAITSI

Elkarrizketa, hurbiltasuna, integritatea eta lidergoa. Horiek dira Roberto Muñoz Garcíaren ezaugarri nagusiak, Uribe Kostako herri honetako EAJ-PNVk alkatetzarako izendatzeko orduan kontuan hartu dituenak. Muñoz aho batez aukeratu zuten Barrikako jeltzaleek iragan ekainaren 11an egin zuten Uri Batzarrean. Oraingo Barrikako alkateak berraukeratua izateko erronka honi ekin nahi dio “ilusioarekin eta erantzukizun osoz”. “Gainera, orain neure alde daukat azken urteotan alkate izanak ematen didan eskarmentua eta Barrikako herritarren zerbitzura jartzeko asmoa daukat. Niretzat benetako ohore eta pribilegioa da beren ordezkari izatea”, esan du. Roberto Muñozentzat, Barrikak hobetzea bilatu behar du eta horregatik “nire herria bizitoki hobea bihurtzeko lana egin nahi nuke eta herritar guztiok izan dezagula udalerri honek eskaintzen duen guztia gozatzeko aukera”.

Ordezkari jeltzalearen lehentasunen artean daude “herriko emakumeen elkarteari lokal batzuk lagatzea beren jarduerak egokiro egiteko aukera izan dezaten, egiten duten lana guztiz funtsezkoa delako udalerriko kulturgintza eta aisialdirako”. Era berean azpimarratu du nahierara eta herritarren beharren arabera antolatutako auzotaxi zerbitzua bultzatu beharra dagoela “herriko garraio zerbitzua hobetu ahal izateko, autobus zerbitzuaren maiztasun handiagoa eskatzen jarraituko dugun arren”.

Zerrendaburuak “harrotasun“ handia sentitzen du azken agintaldi honetan burutu ahal izan dituen proiektuekin: “inausketaren hondakinak batzeko zerbitzua jarri dugu abian, barrikoztarrek hainbatetan eskatu diguten zerbait. Muriolan bizi diren pertsonei ere konponbidea eman ahal izan diegu egoera tamalgarrian horren luzaro egon ondoren. Barrikako ondare geologiko eta arkeologikoari dagokion babesa eman diogu. Auzoetako saneamendu sarea garatu dugu eta, amaitzeko, Gure Etxea eraikineko lanak hasi ditugu, udalerriko erabilera askotarako lokala izan dadin”.

Roberto Muñoz García Psikologian lizentziatua eta Marketingeko goi teknikaria da. Irakurzale eta hondartzazale amorratua, 48 urte ditu eta seme eta alaba baten aita da “harrotasun osoz daramadan gauza da”.

Jarrai ezazu Gurekin
Next Euskadi
Aberri Eguna 2018

  Agenda

2018/06/23 09:00

Joseba Egibar

   Radio Euskadi 

2018/06/25 22:10

Jokin Bildarratz

   TVE-La noche en 24 h. 

2018/06/27 09:20

Itxaso Atutxa

   Info 7 

YouTube

Twitter

Facebook

Flickr

Andoniren Bideobloga

Elkarrizketak - Gure Burukideak
PDE-EDP
ADIERAZPENA
Europa: Krisialditik Itxaropen Berri baterantz. 
Berrantolatzeko garaia.
Eusko Legebiltzarrerako 2016ko hauteskundeetarako EGITASMOA