Next Euskadi

Prentsa Aretoa

Berriak

2020/09/24

Aitor Estebanek "begi onez" ikusten du Kataluniako buruentzat indultua erabaki izana "arazo politikoak elkarrizketaren eta irtenbide politikoen bidez baino ez direlako konpontzen"

‘La Hora de la 1‘ telebista saioan egin dioten elkarrizketan, Euskal Taldearen bozeramaileak “funtsezko” jo du gaur egungoa moduko egoera ekonomikoan Aurrekontuak onartzea, eta Pedro Sánchezen inbestidura ahalbidetu zuen gehiengoarekin izatea nahiago lukeela esan du

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Aitor Estebanek, Diputatuen Kongresuko Euskal Taldeko bozeramaileak, gaur baieztatu du “begi onez” ikusten duela kartzelaratuta jarraitzen duten Kataluniako buruen indultua erabakitzea, atzo bertan Justizia Ministroak Kongresuko Osoko Bilkuran adierazitakoaren arabera. TVEren ‘La Hora de la 1’ saioan egin dioten elkarrizketan Estebanek gogora ekarri duenez ,EAJ-PNVren aldetik “beti egon gara auziperatzeen kontra, eta betidanik erakutsi dugu gure desadostasuna” Kataluniako gatazka judizializatzearekin, eta gaineratu duenez “arazo politikoak ez dira auzitegien bidez konpontzen, baizik eta elkarrizketaren eta irtenbide politikoen bidez”

Testuinguru berean, Esteban Quim Torra Generalitateko Presidentearen gaitasungabetzearen kontra agertu da “Erabat desproportzionala” izango litzatekeela esanez. “Ondorio larriegia, gertakariekin alderatuta”. Kataluniako gaiei dagokien aldetik ere, Euskal Taldeko bozeramaileak esan du kautelaz begiratzen diola Zigor Kodean jasotzen den sedizio delitua aldarazteko posibilitateari. “Neurrigabeko zigorrak dira, baina ikusiko dugu Gobernuak zer aurkezten duen, tipoa zabaltzea bilatzen badu, sedizio delitu horren kasuistikaren inguruan, behar bada ez gara ados egongo”, nabarmendu du.

Beste alde batetik eta bozeramaile jeltzaleak Diputatuen Kongresuan Gobernuko Presidenteorde andrearekin, berak antolatu duen elkarrizketa errondaren barruan izan duen bilerari dagokionez, Estebanek ezeztatu du topaketa horretan Aurrekontu Orokorren zirriborroa edo egutegia jorratu direnik, baina baieztatu du EAJ-PNVk “funtsezko” jotzen duela “gauden krisialdi ekonomiko honetan” Aurrekontu berriak izatea, eta Pedro Sánchezen inbestidura ahalbidetu zuen gehiengo berberarekin onartzea aldeztu du. “Aurrekontuak egotearen alde nagoela eta begi onez ikusten dudala esateak nire posizioa ahultzen du negoziatzeko orduan, baina kontrakoa esango balu gezurretan arituko nintzateke.Gaurkoa moduko krisi ekonomiko batean, Europako funtsak jasotzeko aukerarekin Espainiako estatuan oinarri ekonomiko berri bat eratzera begira, Aurrekonturik ez onartzeak hauteskundeak deitu beharrean egongo ginateke, erabakirik ez hartzeko egoeran, era horrek Europan oso irudi txarra emango liguke Europan, ondorioak ekarriko lituzke langabezian eta jarduera ekonomikoan….Oso egoera konplikatuan egongo ginateke”, esan du.

Andoniren Bideobloga

Next Euskadi

  Agenda

2020/09/28 08:30

Elkarrizketa. Iñigo Iturrate

   Onda Vasca 

2020/09/30 08:30

Elkarrizketa. Izaskun Bilbao

   Bizkaia Irratia 

2020/10/01 09:30

Elkarrizketa. Itxaso Atutxa

   ETB-1. Egun on Euskadi 

YouTube

Twitter

Facebook

Flickr

Elkarrizketak - Gure Burukideak
PDE-EDP
ADIERAZPENA
Europa: Krisialditik Itxaropen Berri baterantz. 
Berrantolatzeko garaia.
Eusko Legebiltzarrerako 2020ko hauteskundeetarako EGITASMOA