EAJ-PNVk Sanchezekin duen itunaren dimentsio europarra azpimarratu du, Katalunian elkarrizketaren aldeko apustua egin izana aitortzen baitio, eta EBn euskarari are bultzada handiagoa ematea exijitu du

Izaskun Bilbao Barandica EAJ-PNVko eurodiputatuak positibotzat jo du gaur goizean Estrasburgon Pedro Sanchez Espainiako Gobernuko presidenteak Europako Kontseiluko azken  seihilekoan Europako Kontseiluko txandakako presidentetzan lortutakoa. Ordezkari jeltzaleak Andoni Ortuzarrek Sanchezekin iragan azaroan hitzartu zuen inbestidura-akordioaren dimentsio europarraren garrantzia nabarmen du. Akordio horrek alderdi positiboak biltzen ditu, hala nola, Europaz gaindiko sareen tarte kritikoak epe barruan osatzea edo Ekonomia Ituna,  Ekonomia Hitzarmena eta Ertzaintza Europako esparruan hobeto integratzea. Baina, aldi berean, elkarrizketa gehiago eskatu dio parlamentari jeltzaleak Next Generation funtsak banatzeko orduan, bai eta euskarak Europar Batasuneko erakundeetan presentzia handiagoa izateko ere. Bilbao Barandicak konponbidea Europako erara ematea babestu du, elkarrizketa eta negoziazioaren bidetik Kataluniako lurralde eta nazio gatazka konpontzera begira.

Sanchezek, Estrasburgoko urteko azken osoko bilkuran egindako hitzaldiarekin, Europako Kontseiluko sei hilean behingo presidentetza  hartze duten estatuburu eta gobernuburuentzat ohiz kanpoko gertatu den zikloari eman dio amaiera. Ohikoena da hastean agerraldi bat egitea seihileko bakoitzerako programa azaltzeko, baina hauteskundeak aurreratzeak eta hauteskundeak egin ondoren gobernua eratzeko irekitako prozesuak ahalbidetu zuten Estatuko Gobernua jardunean egotea inbestidura berria egin arte. Horregatik agertu da Sanchez azken hilabetean, eta kasu honetan  egokitu zaion agintaldiaren balantzea egiteko.

Era berean, Espainiako Partido Popularrak eztabaida hori inbestidura-eztabaidaren bigarren itzuli moduko bat bihurtu nahi izan du, eta Europar Batasunean  planteatu nahi izan du gobernu berria eratzea ahalbidetu duten akordio batzuen aurkako jarrera. Lehen saiakera  izan zen joan den osoko bilkuran amnistiaren lege-proposamenari buruzko eztabaida bat sustatzea, bertaratze-porrot ageriko batekin amaitu zena. Oraingoan, osoko bilkura beteago egon dela, ahalegin berbera egin dute.

EAJ-PNVko ordezkariak kontrapuntua jarri nahi izan dio saiakera horri  eta presidentetzaren balantze positiboa azpimarratu nahi izan du, merkatu elektrikoari, adimen artifizialari edo Europako osasun-esparruari buruzko akordio aitzindariekin egin delakoan, eta sozialistek eta alderdi jeltzaleak sinatutako itunaren eduki europarrak nabarmendu ditu. Izaskun Bilbao Barandicak "ongi etorri" beroarekin hartu du Espainiako presidentea, eta gogorarazi dionez, "Europa zeharkatzeko sareetako tarteak epe barruan amaitu behar dira, Atlantikoko aldean botila-lepo kritikoak kentzen baitituzte". Gainera, akordio horretan adierazitako bat-etortzea azpimarratu du, "gure autogobernua, Euskal Ekonomia Ituna, Nafarroako Hitzarmena edo Ertzaintza Europako erakunde-sisteman hobeto txertatzeko". “Eta zorrotzak izango gara Euskarak Batasunean duen presentziari dagokionez”, nabarmendu du.

Bilbao Barandicak, gainera, "eredu sozialean sakontzeko" beharra azpimarratu du, "trantsizio ekologiko eta digitalek inor atzean utz ez dezaten eta ideologian baino gehiago teknologian oinarrituta egin daitezen". Halaber, premiazkoa da eskualdeko PERTE bat sortzea, Next Generation funtsak produkzio-sarera errazago iristeko, bai eta makro-eskualde atlantikoari bultzada ematea ere".

Azkenik, EAJ-PNVko ordezkariak azpimarratu nahi izan du jeltzaleek babesa eman diotela Amnistia Legearen proposamenari "elkarrizketa eta negoziazioa lurralde- eta nazio-nortasuneko gatazketarako Europako irtenbide" den aldetik. “Aniztasunak, aitortua eta errespetatua denean, elkartu egiten gaitu. Aniztasun hori adierazteko egintza parlamentarioak  delitutzat hartzea, elkarren kontra jartzen gaitu. Proposatu den  amnistiak indartuko ditu Kataluniako egoera zuzenbide-estatua".