Ipar Euskadiko Uri Erakunde berria aurkeztuko dute datorren astelehenean, abenduak 18, jende aurrean egingo den topaketan. Bertan izango da Euzkadi Buru Batzarra, Uztaritzen egingo baitu bere asteroko bilera
12Abenduak Zazpigarren Herri Biltzarra dauka EAJ-PNBk Ipar Euskadin: Miarritzeko Biltzarra. Ipar Euskadin EAJ-PNBren gaurko presidente Peio Etxelekuk gure alderdi politikoaren “garapen dinamika” azpimarratzen du. Jadanik, 2022an Herri Biltzar bat sortu zen, Lapurdi barnekaldean. EAJ-PNBk “urtero edo bi urtean behin” tokiko talde baten sortzeko gaitasunean sinesten du. Hori guztia, EAJ-PNBren epe luzerako urratsean kokatzen da. Ikuspegi horretatik, Etxelekuk baloratzen du “profil berrien etorrera, emazte bezain gizonekin, bereziki, Ipar Euskadira bizitzera etorritako pertsonak, euskaldunak direnak, hautu baten ondorioa baita”. Gaur, gure lurraldeak “autonomia gehiago, energia-autonomia gehiago, elikadura-autonomia gehiago, ekonomia-autonomia gehiago...” nahi duela azpimarratu du.
Christophe Lamboley-Depoire izan zen ekimen honen bultzatzaileetako bat, duela ia urtebete, eta Herri Biltzar berri honetako presidente bihurtu da.“Hilabete guziz bilkura batzuk antolatu ditugu hainbat gairen inguruan. Gustukoak izan dira bilera horiek. Eskaera bati erantzuten diote. Jadanik 20-30 jendeen taldea gira”. “Gure mugimenduak euskara eta euskal kultura defendatzen ditu. Integrazio eta erakargarritasun ekarle gisa ikusten ditugu”. Bultzada honekin jarraitu nahi du Lamboley-Depoirek. Hurrengo urratsa: talde hau jendearen aitzinean aurkeztea, heldu den astelehenean, abenduaren 18an, 18:30tik aurrera, Miarritzeko Euskal Jai-en.
Jende guztiei irekia den bilkura publiko hau Andoni Ortuzar EAJ-PNBren aberri presidentearen aitzinean iraganen da. Euzkadi Buru Batzarrak, EAJ-PNBren aberri zuzendaritzak, bere asteko bilkura Uztaritzen eginen du aipatutako abenduaren 18an.
