Maria Dolores Etxanok Estatuko Trans Legearen tramitazioa arintzeko eskatu dio Espainiako Gobernuari

Berdintasun ministroari jakinarazi dio beharrezkoa dela arauak genero-autodeterminazioa txerta dezala.
Maria Dolores Etxanok Estatuko Trans Legearen tramitazioa arintzeko eskatu dio Espainiako Gobernuari IKUSI BIDEOA
10
Maiatza
Senatua
PARTEKATU
10 Maiatza | Senatua

Maria Dolores Etxano EAJ-PNVko senatariak Trans Legearen tramitazioa arintzeko eskatu dio Berdintasun ministroari, pilatzen ari den atzerapena dela eta. Izan ere, arratsaldeko kontrol saioan Irene Montero ministroa animatu du “zentzugabeko tramitazio hau desizozteko”.

2020ko urrian kontsulta publikorako ireki zela iragarri zenetik prozedurak izan dituen gorabeherak aipatu ditu Etxanok, eta salatu du ekainaren 29an aurreproiektua onartu ondoren, “bost hilabete eta erdi behar izan zirela kontsulta organoetara bidaltzeko”. Horietan, Exekutiboan izandako desadostasunei eutsiko zaiela eta mugarik gabe atzeratuko dela aurreikusita, Trans kolektiboaren mezua helarazi dio ministroari, “araua geldiarazteak haien bizitzan ondorio materialak dituela agerian uzten duena: LGTBI+ kolektiboaren eta, bereziki, Trans pertsonen egungo babesgabetasuna luzatuz”.

Senatari jeltzaleak Montero ministroari aurreratu dionez, EAJ-PNVren babesa izango du “LGTBI kolektiboaren eta Trans Kolektiboaren eskubideen defentsan; giza eskubideen aldean aurkituko gaituzue”. Eta gogorarazi du Euskadin Trans Legearen bigarren aldaketa izapidetzen ari direla, pertsona horiek administrazioengandik arreta integrala eta beren hezkuntza-, osasun-, zuzenbide- edo lan-premietara egokitua jasotzeko duten eskubidea bermatzeko; gizartean duten pertzepzioari kalte egiten dioten estereotipoak gainditzen laguntzeko; eta adingabeko transexualek entzunak izateko eta haiei eragiten dieten erabakiak hartzen parte hartzeko duten eskubidea bermatzeko.

“Honaino, gure eskumenak erabiliz egin genezake, baina gure eskumenen eremuan ez dago NANa erregistratzeari edo emateari buruzko legeria. Horregatik, beharrezkoa da Estatuko Trans Legea ere onartzea. Beharrezkoa da transexualitatea erregistroetan ere despatologizatzea, autonomia-erkidego gehienetan egiten dugun bezala, eta Trans pertsonek txosten mediko edo psikologiko baten baldintzapean ez dagoen erregistro-aipamena zuzentzeko eskatu ahal izatea eta NANa lortu ahal izatea, beren borondatea beste baldintzarik gabe, hau da, genero-autodeterminazioa”.

Uda aurretik. Euskal Talde Parlamentarioaren galderari erantzunez, Berdintasun Ministerioko buruak iragarri du Gobernuak konpromisoa iragarri du “trans pertsonen berdintasun erreal eta eraginkorrerako eta LGTBI pertsonen eskubideak bermatzeko legea lege izango dela, eta Diputatuen Kongresura iritsiko dela uda baino lehen”.

PARTEKATU

INTERESATU ZAITEZ