EAJ-PNVk pentsio publiko duinak eta nahikoak bermatzea babestu du

Euskal Talde Parlamentarioak pentsioen erosahalmena bermatzeko lege-proiektuaren eta pentsioen sistema publikoaren finantza- eta gizarte-iraunkortasuna indartzeko beste neurri batzuen alde bozkatu du.
EAJ-PNVk pentsio publiko duinak eta nahikoak bermatzea babestu du IKUSI BIDEOA
22
Abendua
2021
Senatua
PARTEKATU
22 Abendua 2021 | Senatua

“Pentsio publiko duinak eta nahikoak” bermatzeko helburuarekin, EAJ-PNV Talde Parlamentarioak pentsio publikoei eustea bermatzen duen legea babestu du Senatuan. Lege-proiektuaren eztabaidan, Nerea Ahedok adierazi du “etorkizuneko pentsiodunak eta egungo pentsiodunak” ez pobretzeko helburuak “erosteko ahalmena bermatuta egon behar” duela. Aurrerantzean, KPIari lotuko zaio, legez, pentsio publikoen errebalorizazio-indizea eguneratzea, 2018 eta 2019ko Estatuko Aurrekontu Orokorren negoziazioan ildo horretan Euskal Taldeak sartutako zuzenketen ildotik.

Senatari jeltzaleak adierazi duenez, pentsio publikoak mantentzea bermatzeko EAJ-PNVren apustua diru-sarrerak handitzea da, eta aldizka ebaluatu eta egokitu beharko dena. "Askoz bidezkoagoa eta gure jarrerarekin bat datorrena iruditzen zaigu, eta gastuak murriztu gabe; hori murrizketa, pentsioen murrizketa eta etorkizuneko pentsiodunen pobretzearen sinonimoa baita", adierazi du. Ahedok, halaber, gaur jasangarritasun-faktorea indargabetuko dela balioetsi du, eta belaunaldien arteko ekitate-mekanismoak ordezkatuko duela. Mekanismo horren bidez, likidezia eman nahi zaio erreserba-funts txikiagoari, azaldu du.

PARTEKATU

INTERESATU ZAITEZ