Nerea Ahedok desgaitasuna duten langileen erretiroa aurreratzeko arau-desorekak zuzentzera premiatu du

Erregulazioa "guztiz eskasa" dela onartu du Jose Luis Escriva ministroak eta "legegintzako lehen lehentasunetako bat" izango dela erantzun dio EAJ-PNVri.
03 Azaroa | Senatua

Nerea Ahedok desgaitasuna duten langileen erretiroa aurreratzeari buruzko arauen arteko desadostasunen zuzenketa lehentasunez zuzen dezala eskatu dio Estatuko Gobernuari, Toledoko Itunean onartutako gomendioetan jaso den bezala. Zehazki, EAJ-PNVko senatariak desgaitasun-maila jakin bat dutenei eskatzen zaien gutxieneko kotizazio-aldia egokitzeko beharraz hitz egin du, bai eta hori egiaztatzeko zailtasunak konpontzeaz ere. "Espainiako Exekutiboak baldintzak aldatu zituen 2009ko 1851 Errege Dekretuaren bidez, eta persona asko, ordura arte ohikoa zen %33a egiaztatzen zutenak, kanpoan geratu ziren 15 urtez %45 izatea eskatu zelako, ia inor iristen ez den aldia", salatu du Ahedo

Ordezkari jeltzaleak EAJ-PNVk Senatuan behin baino gehiagotan egindako eskaerari jarraipena eman dio Gizarteratze, Gizarte Segurantza eta Migrazioetako ministroari eskatutako zuzenketekin. Horrela, 2017an lortu zuen Senatuko Enplegu eta Gizarte Segurantza Batzordeak Gobernuari eskatzea Toledoko Itunari helaraz ziezaiola aipatutako Errege Dekretuaren Lehen artikuluaren aldaketaren beharra; hain zuzen ere, murrizketa emateko eskatzen den %45eko desgaitasun-maila prestazioa eskatzen den unean izatea, eta ez gutxieneko kotizazio-aldi osoan, "Toledoko Itunak zurrunak izan diren erregulazioak malgutzeko beharra ezartzen du, eta, ondorioz, babestu beharreko egoerak baztertzen dira", adierazi du, eta gogorarazi du balorazio bidegabeak gertatzen direla, aldaketak izaten direlako, diagnostiko-irizpide desberdinak daudelako edo garapen azkarreko ezgaitasunak daudelako.

Jose Luis Escriva ministroak onartu du egoera hori ez litzatekeela "gertatu behar", eta erregulazioa "guztiz eskasa" dela; hori dela eta, "Lehentasun handiena" emango diola aurreratu du. "Lehen lehentasun legegileetako bat izango dela ziurtatzen dizut", gaineratu du.

Hainbat kasuren artean, polio ondoko sindromea duten pertsonen egoera nabarmendu nahi izan du Ahedok, egoera bereziak bizi baitituzte. "Argi eta garbi ekidin daitekeen ezintasunetako bat izango zatekeen erregimen frankistaren 'negazionismoagatik' izan ez balitz, bere garaian izurritea eta bere txertoa ukatu zituelako", gogorarazi du.

PARTEKATU