Juan Carlos Medinak Nekazaritza, Arrantza eta Elikadura ministroari eskatu dio neurri bereziak zabal ditzala nekazaritza-ustiategietan urte amaierara arte bilketak egiteko eskulana izan ahal izateko, Arabako Errioxako mahats-bilketa eta txakolina ere har ditzaten. Bilketa-lan hori irailaren hirugarren astean hasten da, eta hilabete inguru irauten du, senatari jeltzaleak azaldu duenez; beraz, "Ez litzateke nahikoa izango neurriak irailaren 30era arte soilik iristea", apirilaren 7ko 13/2020 Errege Lege Dekretuan onartutako neurriak luzatzen dituen maiatzaren 26ko 19/2020 Errege Lege Dekretuak gaur egun ahalbidetzen duen bezala. "Aldi baterako neurri berezien epea abenduaren 31ra arte luzatzeko eskatzen diogu, uzta-egutegia arazorik gabe hartzeko".
2019an, bilketa-lan honetan,Euskadin, sasoikako 3.000 langile inguru aritu zirela gogorarazi ondoren, ia % 100ean eskuz egiten den mahats-bilketa batean, Medinak Luis Planas ministroari eskatu dio bere Gobernuak konpromisoa har dezala Europar Batasunaren barruko kontratazio-korridoreak malgutzeko eta bermatzeko, hala nola Portugalen, nola Erkidegoz kanpokoak, Marokon bezala, "Sasoikako langileen joan-etorriak ahalbidetzeko, betiere jatorrian kontratua izanik". Itzulera, kontratua amaitutakoan EAJ-PNVko senatariak gogorarazi duen bezala, Arabako Errioxan hori guztia egiten da Arabako Nekazaritza eta Abeltzaintza Batasunak nekazariei eta ardogileei ematen dien laguntza eta aholkuarekin, "Jabe horiei mahats-bilketarako behar adina eskulan ematen baitzaie, eta sasoikako langileei osasun- eta ostatu-baldintza duinak ziurtatzen zaizkie".
EAJ-PNVko senatariak langileak bermatzeko neurri hori eremu geografiko desberdinetako fruitu- eta barazki-produktuetara zabaltzeko eskaria luzatu du, nekazariek zein ardogileek bilketa berme guztiekin egin ahal izateko lasaitasuna izan dezaten. Hori dela eta, COVID-19ak nekazaritzaren sektorean eragindako egoeraren aurrean Gobernuak hartuko dituen neurriak ezagutzea eskatu du.
