EAJ-PNV: "Bere historia ahazten duenak hura errepikatzera kondenatuta dago. Holokaustoa gertatutakoa gogoratzeko aholkua da "

Eusko Legebiltzarrak bat egin du Auschwitz-Birkenauko kontzentrazio-esparrua askatu zeneko 75. urteurrena ospatzeko ekitaldiekin, eta pebetero bat jarri du kanpoaldean, genozidio horretan hil ziren pertsona guztien omenez. "Gizatasunik gabeko ekintza krudel bat, gure gogamenean beti jarraitu behar duena"
EAJ-PNV:
27 Urtarrila | Eusko Legebiltzarra

EAJ-PNVren legebiltzar-taldeak bat egin du sobietar tropek 1945ean Auschwitz-Birkenauko kontzentrazio-esparrutik askatu zituztela ospatzeko ekitaldiekin, eta Holokaustoaren milioika biktimak gogoratu ditu. "Gizateriaren historiako krimenik handienetako batean" hil zirenen omenez, egun osoan piztuta egongo den sugarra jarri dute Eusko Legebiltzarrean.

Talde jeltzalearen ustez, bizi izandakoak bezain ekintza ankerrak "gizateria osoaren buru eta bihotzak okupatzen jarraitu behar dute", horrela bakarrik gogoratu ahal izango baitugu gertatutakoa, ez errepikatzeko. "Oroimena, oroitzapena, hezkuntza eta historiaren ezagutza ezinbestekoak dira gorrotoa, arrazakeria edo diskriminazioa deserriratzeko. Bere historia ahazten duenak hura errepikatzera kondenatuta dago ". Ildo horretan, eta Europa osoan eskuin muturreko alderdiek izan duten gorakadaren aurrean, jeltzaleek duintasun, giza eskubide eta balore handiko etorkizuna aldarrikatu dute, eta "ilarak ixteko" eskatu dute, demokrazian, tolerantzian eta askatasunetan atzera ez egiteko. "Eskuin muturra gorrotoaren diskurtsoekin eta mezu arrazistekin itzultzen dela ikusten dugu. Ikusten dugu erakundeen eremua eta pisua irabazten ari direla diskurtso xenofoboekin, batzuek legitimatu eta beren gain hartzen dituztenak. Gu beti egongo gara gizarte solidario eta plural bat eta eskubide eta askatasunen Europa bat defendatzen ".

PARTEKATU