Iñigo Iturrate: “EAJk guztiekin itunak egiteko duen gaitasunak zentraltasunean kokatzen gaitu, eta agerian uzten du Herriaren interesa gure interesaren gainetik jartzen dugula”

Legebiltzarkide jeltzalearentzat, aurrekontuak onartzeko Podemosekin lortutako akordioa ona da gizarte osoarentzat. "Podemos-ek aurrerapauso bat eman du, eta heldutasuna erakutsi du"
09 Abendua | Eusko Legebiltzarra

"Aurrekontuetarako Podemosekin egindako ituna ona da Eusko Jaurlaritzarentzat eta alderdi honentzat ez ezik, gizarte osoarentzat ere. Kontu horien alderdi soziala indartuko du, egonkortasun politikoa emango du eta aurrerantz urrats sendoekin jarraitzeko aukera emango digu. Haztea, aberastasuna sortzea eta gizarte justu eta kohesionatua izaten jarraitzea ". Iñigo Iturrate legebiltzarkideak eskertu egin du Elkarrekin Podemosek lehen unetik izan duen jarrera, oraingoan "heldutasun politikoa" erakutsi duelako. "Legealdi hasieratik bagenekien gutxiengoan geundela, eta oposizioarekin akordioak ixtea beharra genuela. Eta horixe praktikatu dugu borondatea izan duten guztiekin. Oraingoan, Podemos izan da erantzukizun-ariketa batean aurrera pauso bat eman duena, eta oso albiste ona da Herriarentzat ".

Iturratek balioan jarri du EAJk Legebiltzarrean talde guztiekin itunak egiteko duen gaitasuna, eta esan du agerian uzten duela "gizartea gure interesen aurretik jartzen dugula eta zentraltasunean gaudela". "Negoziazio bat hasten duzunean, badakizu ideia edo printzipio batzuk bidean utzi behar dituzula. Badakizu mugitu egin behar duzula eta hori da alderdi honek praktikatzen duena. Herrialde honek aurrera egin dezan lan egitea eta hori da aurrekontu-akordio honek egingo duena. Herrialdearentzat onena aurrekontuak egotea da ". ETBn egindako elkarrizketa batean, Iturratek PPren eta EH Bilduren jarrera gaitzetsi du, ia lehenengo minutuan aurrekontu-negoziaziotik aldentzean. "PPk mendeku hartzeko gogoa du  oraindik; ez dute dolua gainditu Mariano Rajoyren aurkako zentsura mozioagatik. Eta EH Bilduren kasuan, iaz ere egiaztatu ahal izan genuen edo ausardia falta zaiola edo bertigoa diola akordioari. Pankarta utzi eta erantzunkidetasuna eskatu diegu. Politikan, herritarren bizitza eta ongizatea hobetzeko gaude, ez kritika iraunkor eta ez-jarraitu batean egoteko ".

Madrilen egunero ikusten dugunaren aurrean, Euskadin, politika egiteko beste modu bat esportatu dezakegu. Elkarrizketan, akordioan, lagapenean eta etengabeko negoziazioan oinarritutako politika dela gaineratu du.

PARTEKATU