Talde jeltzalea pozik agertu da Kataluniak hango herritarrek eurek demokratikoki aukeratutako Presidentea duelako, eta 155.a altxatzea exijitu du, inoiz aplikatu behar ez zela azpimarratuz
14Maiatza 14
|
Kataluniako Parlamentek Joaquim Torra Kataluniako Generalitateko 131. Presidente izendatu ondoren, EAJ-PNVk zera adierazi nahi du:
- Joaquim Torra Kataluniako Generalitateko Presidente berria zoriontzen dugu, bere izendapenagatik, eta arrakastaz betetako ibilbidea egitea opa diogu hemendik aurrera bere erantzukizunen barruan egingo dituen jardueretan, arrakasta horiek Kataluniako hiritar guztienak izango direlarik. Era berean, inbestidura ahalbidetu duten talde politikoei aitortzen diegu zentzu horretan eginiko lana eta ahalegina
-Poztu egiten gaitu Kataluniak gaur eguerditik aurrera kataluniarrek demokratikoki aukeratutako Presidentea izateak, eta hiritargoak abenduaren 21ean hautestontzietan adierazitako borondatearen isla izango den Govern berria epe laburrean eratzea espero dugu.
-Sekula aplikatu behar ez zen 155. artikulua altxatzea eta Kataluniako autogobernua egituratzen duten erakunde guztiak berrezartzea exijitzen dugu.
-Berretsi egiten dugu elkarrizketa dela politiko jotzen dugun gatazka bat konpontzeko bide bakarra. Kataluniako politika judizializatzeari uztea eskatzen dugu eta Kataluniako gizartean liskarra eta zatiketa elikatzen duten jarduerak bertan behera uztea exijitzen dugu.
