Emakumeen aurkako indarkeriari ez

Prentsa Aretoa

Berriak

2017/04/19

Lehendakariak “giza duintasunarekiko errespetua” nabarmendu du Auschwitzen eta Gernikan gertatutakoaren irakaspen nagusitzat

Euskal ordezkaritza euskal eta poloniar gazteekin elkartu da Oświęcim herrian

rss Ezagutzera eman
Lehendakariak “giza duintasunarekiko errespetua” nabarmendu du Auschwitzen eta Gernikan gertatutakoaren irakaspen nagusitzat

ARGAZKIA JAITSI

Bidaia ofizialeko lehenengo egunean, Lehendakaria Gernika eta Auschwitzen inguruko nazioarteko topaketa batean izan da euskal eta poloniar gazteekin, Oświęcim herriko kultur unean. Ekitaldiak balio izan du bi herrietan gertatutakoa oroitu, giza duintasunaren errespetuaren irakaspena nabarmendu eta bakezko eta elkarrekin balioetan oinarritutako etorkizuna opatzeko.

Lehendakariak bidaide izan ditu Jonan Fernández Bake eta Bizikidetzarako Idazkari Nagusia, Marian Elorza Kanpo Harremanetarako Idazkaria eta Ana Otadui Bizkaiko Batzar Nagusietako lehendakaria, askotariko batzar taldeetako ordezkariz lagunduta. Europako Tradizio eta Kulturaren Aldeko Elkarteak (ATPCEk) antolatutako topaketan, 500 euskal eta poloniar gazte inguruk parte hartu dute. Aurretik, euskal ordezkaritzak Auschwitz I eta Auschwitz-Birkenau kontzentrazio esparruak bisitatu ditu, eta bertan lore eskaintza egin du.

Iragana eta etorkizuna

Lehendakariak hitza hartu eta nabarmendu du euskal eta poloniar gazteriaren topaketak “iraganaren irakaspenaren bidez, elkarrekin etorkizun hobearen esperantza izatea” adierazten duela. Ideia hori gogoan, Lehendakariak aditzera eman du iraganak batzen dituela Auschwitz eta Gernika, sufrimenduak eta injustiziak uztartzen baititu. “Ideia batzuk, egitasmo bat edo helburu bat jarri ziren pertsonen duintasunaren gainetik”, azaldu du Lehendakariak. Helburu bat lortzeko “dena da zilegi” goiburua izan zuten. Era horretan, “giza eskubideen urraketa, indarkeria, terrorismoa edo gerra” zilegi bihurtzen amaitzen da gehitu du Lehendakariak.

Lehendakariak nabarmendu duenez, hau da une honetako irakaspen baliotsuena: “inoiz ez berriz”. “giza duintasunaren errespetua balio gorena da” eta, horietatik, giza eskubideak eratortzen dira, Urkulluk segurtatu duenez. Gazteriaren ekitaldi honetako partaidetzak esan nahi du Gernika eta Auschwitz etorkizun hobe baten esperantzaren ikur ere badirela.

Topaketan, Lehendakariak ez ezik, Oświęcimeko alkateak, Janusz Chwierut-ek, hartu du hitza, baita APTCEko presidente Enrique Villamorrek ere, erakunde horrek antolatu baitu ekitaldia. Euskal eta poloniar gazteek abesti bana kantatu dituzte, eta Auschwitz-Birkenautik bizirik ateratako Bogdan Bartnikowskiren lekukotza entzun ahal izan dute, baita Euskalerriaren Adiskideen Elkarteko presidente Juan Bautista Mendizabalen hitza ere. Berak azken 80 urtean Euskadin eta, bereziki, Gernikan bizitako gertaerak kontatu ditu.

Auschwitzeko lore eskaintza

Gazte topaketaren aurretik, euskal ordezkaritzak, Lehendakaria buru zuela, Auschwitz-Birkenau Museoa bisitatu du, bere baitan bi kontzentrazio esparruak hartzen dituena: Auschwitz I eta Auschwitz II-Birkenau. 1979an, lursail hau Unescoren Gizateriaren Ondarearen zerrendan sartu zuten.

“Deuseztatze”ko proben 4. Blokea; gauza pertsonalak (maletak, betaurrekoak, gutunak…) biltzen dituen 5. Blokea; “zainketen” 7.a eta “heriotzaren” 11. Blokea bisitatu ondoren, poloniar preso politikoen erailketak izaten ziren gunera hurbildu da euskal ordezkaritza, “Heriotzaren Hormara” alegia.

Bertan, Iñigo Urkullu lehendakariak eta Bizkaiko Batzar Nagusietako presidente Ana Otaduik bi lore eskaintza egin dituzte biktimen oroitzapenean. Euskal ordezkaritzak minutuko isilunea egin du errespetuaren seinale.

Ondoren, Auschwitz II-Birkenau Deuseztatze Esparrua bisitatu dute (175 hektarea), 1941ean eraikia: bertan altxa zituzten Europa okupatuko deuseztatze masiborako instalazio handienak: naziek esparrura deportatutako judu gehienak erailtzeko baliatutako gas ganberak.

Auschwitzeko museoko datuen arabera (“gutxienez”) Europako bazter guztietatik deportatutako 1,3 milioi pertsona (juduak, ijitoak, poloniarrak…) pasa ziren kontzentrazio esparru hauetatik. 200.000 pertsonak biziraun ahal izan zuten eta, beraz, presoen % 80 erail egin zituzten, gehienak juduak (1 milioi).

Iturria: Irekia

Emakumeen aurkako indarkeriari ez

Andoniren Bideobloga

Alderdi Eguna 2017
Eusko Legebiltzarrerako 2016ko hauteskundeetarako EGITASMOA
Elkarrizketak - Gure Burukideak
Jarrai iezaguzu Telegramen

  Agenda

2017/11/24 09:00

Joseba Egibar

   Radio Euskadi 

2017/11/24 12:00

Emakumeenganako Indarkeriaren Kontrako Nazioarteko Eguneko Adierazpenaren irakurketa

Andoni Ortuzar Euzkadi Buru Batzarreko presidenteak, Mireia Zarate EBBko idazkariak eta EAJ-PNVko legebiltzarkide Maialen Gurrutxaga, Rakel Molina  eta Gorka Álvarezek  Euskadi Buru Batzarrak Emakumeenganako Indarkeriaren Kontrako Nazioarteko Egunaren kariaz  prestatu duten adierazpena irakurriko dute.

Irakurketa EAJ-PNVren Bilboko egoitzaren aurrean egingo da, Pedro Ibarretxe kalean.

   Sabin Etxea aurrean. Pedro Ibarretxe Kalea 

2017/11/24 19:00

Euzko Gaztedik bere VII. Bilera Nagusia egingo du asteburuan Zarautzen

EGIren VII. Bilera Nagusia ostiralean, 19:00etan Zarauzko Antoniano Ikastetxean egingo den ekitaldi politikoarekin hasiko da. Bertan hitz egingo dute Ainhoa Usandizaga EGikideak eta EBBko presidente Andoni Ortuzarrek.

   Antoniano Ikastetxea. Zarautz  

Twitter

Facebook

YouTube

Flickr