Izaskun Bilbaok “Itsasoko lagunak” euskal atunontziek Costa de Marfileko kaletan arrantzan jarraitu ahal izatea ospatu du

Europako Parlamentuko ALDE taldeko Presidenteorde andreak pozik hartu du Costa de Marfileko kalak zabalik jarraitzea ahalbidetuko duen akordioa. Horren arabera, arrantza lanetan jarraitu ahal izango dute 36 itsasontzik, hauen artean Euskadiko hainbat atunontzik
Izaskun Bilbaok “Itsasoko lagunak” euskal atunontziek Costa de Marfileko kaletan arrantzan jarraitu ahal izatea ospatu du
11 Otsaila | Europako Legebiltzarra

Izaskun Bilbao Barandicak, bere taldearen ordezkari gisa lantalde honetan txostengile lanetan aritu delarik, azpimarratu nahi izan ditu 2010tik aurrera “Itsasoaren lagunak” izena eman zaien itsasontzi hauek ingurumenean eta gizartera begira egiten dituzten praktika onak; era berean nabarmendu du akordio honek garapena ekarriko duela Afrikako herrialde horretako arrantza sektorean eta zeregin garrantzitsua izango duela mundu osoko uretan arrantza jasangarri eta iraunkorra ezartzera begira Europako estandarrak zabaltzeko orduan.

Eurodiputatu jeltzaleak zentzu berean azpimarratu du akordioa oso garrantzitsua dela Euskadiko atunontzientzat eta itsasontzi hauen iraunkortasunaren aldeko ahalegina dela “2010 urtetik hona ingurumen praktika onen eta praktika onen egiaztagiri independenteekin” aritzen direlako. Urte berean eman zitzaien “Itsasoaren lagunak” aintzatespena.

PARTEKATU