Emakumeen aurkako indarkeriari ez

Prentsa Aretoa

Berriak

2017/04/06

EAJ-PNVk PPren Gobernuari exijitu dio ez dezala Garoñako zentral nuklearra berriro irekitzea baimendu, “arriskutsua delako”

Juan Carlos Ramírez-Escudero legebiltzarkide jeltzaleak euskal erakundeei eskatu die zentralari galarazi diezaiotela instalazioak berriro irekitzea. “Eusko Legebiltzarrak halaxe jokatuko du, eta eta Segurtasun Kontseiluaren ebazpena errekurrituko du, eta hala ematen bada, baita Ministerioaren agindua ere, berriro irekitzea adostuz gero”

rss Ezagutzera eman
EAJ-PNVk PPren Gobernuari exijitu dio ez dezala Garoñako zentral nuklearra berriro irekitzea baimendu, “arriskutsua delako”

ARGAZKIA JAITSI

“Garoñak aurrez aurre izango gaitu beti, eta zentral nuklear hori berriro irekitzea geldiarazteko ekimen oro bultzatuko dugu”. EAJ-PNVren legebiltzar-taldeak uste du euskal erakundeek beren esku dauden aukera guztiak aztertu behar dituztela, Garoñak berriro funtzionatzea ekiditeko. Hori dela eta, Eusko Legebiltzarraren zilegitasuna babestu du, Segurtasun Nuklearreko Batzordearen txostena -berriro irekitzearen aldekoa- errekurritzeko. “Bide guztiak erabili behar ditugu, juridikoak eta administratiboak, Garoña behin betiko ixteko. Halaxe egingo du Legebiltzarrak”.

Eusko Legebiltzarrak errekurritu egingo du Segurtasun Nuklearreko Batzordearen ebazpena. Horretarako ekimenaren alde bozkatu du gaur EAJ-PNVk. Ebazpen hori aurtengo otsailekoa da, eta Burgoseko instalazioa berriro irekitzea ahalbidetzen du. PP izan ezik, talde parlamentario guztiek babestu dute testua. Horren bidez, Gasteizko ganberak ohartarazi du errekurtsoa jarriko duela, baldin eta Energia Ministerioak argi berdea ematen badio Segurtasun Nuklearreko Kontseiluaren diktamenari (berriro irekitzea baimentzen duenari). “Badakigu Ministerioak abuztura arteko denbora hartu duela, erabakitzeko Gobernuak Nuclenorri baimena ematen dion instalazioa sarera konektatzeko. Balioan jartzen dugu Iberdrolak berriro irekitzearen kontra hartutako jarrera, baina jabetzen gara erabaki politiko bat hartu beharra dagoela, eta hori PPren Gobernuari dagokio. Ministerioaren zeregina da erabakigarria. Garoña itxi beharra dago, baina ez elektrikek adierazitako arrazoi ekonomikoak medio; arriskutsua da, zaharkituta dago eta bere bizitza baliagarria agortu da”. Ramírez-Escuderok, berriro ere, Estatuari eskatu dio entzun dezala euskal eta arabar gizartearen gehiengoaren eskaria, eta zentrala itxi dezala. Gogoratu du duela egun gutxi milaka pertsona izan zirela Araba Garoñarik Gabe plataformak deitutako ibilaldian.

“Manifestazio bat gehiago, bizitza baliagarria gainditu duen zentral nuklearrari ezezko politikoa exijitzeko. Garoña amortizatuta dago eta benetako arriskua da inguruan bizi garenontzat”. EAJ-PNVk inplikatutako alde guztiei eskatu die arduraz eta zorroztasunez jokatu dezatela, eta beti pentsatu dezatela “istripu nuklear batek eragin ditzakeen pertsona guztien segurtasuna benetan jokoan dagoela”. Escuderok, amaitzeko, adierazi du Garoñaren itxiera gertuago dagoela eman badezake ere, ezin garela besoak gurutzatuta geratu ez erakundeak, ez alderdiak, ez herritarrak. Hori dela eta, instalazioa behin betiko ixteko ekimen legal, juridiko eta baketsu guztiak aktibatzearen alde egin du. 

Emakumeen aurkako indarkeriari ez

Andoniren Bideobloga

Alderdi Eguna 2017
Eusko Legebiltzarrerako 2016ko hauteskundeetarako EGITASMOA
Elkarrizketak - Gure Burukideak
Jarrai iezaguzu Telegramen

  Agenda

2017/11/24 09:00

Joseba Egibar

   Radio Euskadi 

2017/11/24 12:00

Emakumeenganako Indarkeriaren Kontrako Nazioarteko Eguneko Adierazpenaren irakurketa

Andoni Ortuzar Euzkadi Buru Batzarreko presidenteak, Mireia Zarate EBBko idazkariak eta EAJ-PNVko legebiltzarkide Maialen Gurrutxaga, Rakel Molina  eta Gorka Álvarezek  Euskadi Buru Batzarrak Emakumeenganako Indarkeriaren Kontrako Nazioarteko Egunaren kariaz  prestatu duten adierazpena irakurriko dute.

Irakurketa EAJ-PNVren Bilboko egoitzaren aurrean egingo da, Pedro Ibarretxe kalean.

   Sabin Etxea aurrean. Pedro Ibarretxe Kalea 

2017/11/24 19:00

Euzko Gaztedik bere VII. Bilera Nagusia egingo du asteburuan Zarautzen

EGIren VII. Bilera Nagusia ostiralean, 19:00etan Zarauzko Antoniano Ikastetxean egingo den ekitaldi politikoarekin hasiko da. Bertan hitz egingo dute Ainhoa Usandizaga EGikideak eta EBBko presidente Andoni Ortuzarrek.

   Antoniano Ikastetxea. Zarautz  

Twitter

Facebook

YouTube

Flickr