Euzko Alderdi Jeltzaleak Senatuko gainerako oposizio taldeekin batera aurkeztu duen mozioaren bidez Gobernuari eskatzen zaio justizia unibertsalari buruzko Botere Judizialaren uztailaren 1eko 6/1985 Lege Organikoa aldarazteko egin zen martxoaren 13ko 1/2014 lege Organikoa indargabetzeko lege tramitea bultzatzea.
06Maiatzak EAJ-PNVk eta Goiko Ganberako oposizioko talde guztiek adierazi dute legeak jurisdikzio unibertsalaren egikaritza ezabatzea suposatzen duela, eta "bereziki larri eta esanguratsua da hau, nazioarteko Zigor Zuzenbide alorreko delituei dagokienez". Era berean esan dutenez "agerian geratu da erreformak asmo politiko argia izan duela".
Presaka eta korrika egindako lege izapide baten ondorioak ikusi dira egunotan, hainbat trafikatzaile espetxeetatik kanpo geratu direlako.Ondorio modura, kezka giroa orokortu da gizartean. Lege eskas honek nahasmen handia eragin du kudeatu behar duten arduradunen artean.
Jokin Bildarratz Senatuko EAJ-PNVren taldeko bozeramaileak aditzera eman duenez "Alderdi Popularrak nahita saihestu nahi izan ditu Estatu Kontseiluaren, Botere Judizialaren Kontseilu Nagusiaren edo Estatuko Fiskaltza Nagusiaren txostenak. Ondorioz, lege testu eskasa egin dute, kudeatu behar duten arduradun juridikoen artean nahasmen handia eragiten ari dena".
