EAJ-PNVk Basauriko eraso homofobikoa gaitzetsi du eta LGTBI eskubideen alde lanean jarraitzeko konpromisoa hartu du

EAJ-PNVk Basauriko eraso homofobikoa gaitzetsi du, eta LGTBI eskubideen alde lanean jarraitzeko konpromisoa hartu du. Jeltzaleek adierazpen bat sinatu dute Eusko Legebiltzarrean, eta Fiskaltzari eskatu diote ofizioz joka dezala Ekain Perrinok jasandako erasoaren aurrean. "Erasorik ez erantzunik gabe", esan du Iñigo Iturratek
EAJ-PNVk Basauriko eraso homofobikoa gaitzetsi du eta LGTBI eskubideen alde lanean jarraitzeko konpromisoa hartu du
10 Ekaina | Berria

EAJ-PNVren talde parlamentarioak, EH Bildu, PSE-EE, Elkarrekin Podemos-IU eta PP+C 's alderdiekin batera, iragan igandean Basaurin izandako eraso homofobikoaren aurkako adierazpena sinatu du gaur goizean. Taldeek elkartasuna adierazi diote biktimari, eta Fiskaltzari ofizioz jarduteko eskatu diote. "Erantzunik gabeko erasorik ez. Indarkeria horiek Giza Eskubideen urraketa bat dira, eta lehen mailako arazo sozial bat, LGTBI pertsonen duintasunaren eta osotasun fisiko eta moralaren aurkakoa", adierazi du Iñigo Iturrate legebiltzarkideak. Aldi berean, herritar guztiei dei egin die deitutako ekitaldiekin bat egiteko, eraso berri hori arbuiatzeko eta une latz hauetan behar duen babes guztia gazteari helarazteko. Iturrateren ustez, eraso honek gogorarazten digu inoiz baino beharrezkoagoak direla LGTBI eskubideak aitortzeko eguneroko borroka eta aldarrikapena. EAJ-PNVren konpromisoa "sendoa" dela esan du. Eskubide guztiak pertsona guztientzat".

Testua sinatu duten alderdiek konpromisoa hartu dute "aho batez eta irmo erantzuteko", horrelako eraso gehiago gerta ez daitezen, eta "egindako kaltea konpontzeko" eta "LGTBIfobiaren biktima guztiak oroimenera ekartzeko" lan egiteko. Iturratek gaineratu duenez, gizarteak "asko zor die" biktima horiei; izan ere, "Haien borrokak, ausardiak eta pertsona guztien eskubideen aldeko konpromisoak gizarte gisa hobeago egin gintuzten eta oraindik ere zer bide geratzen den erakusten digute". Hala, ostegun honetan Vicente Vadillo Santamia, 'Francis', euskal LGTBI mugimenduaren hasiera izan zenaren hilketaren urteurrena betetzen dela gogorarazi du. "Gaur ere bidezkoa da memoria honek bizi duen hari gidaria aitortzea eta guztion onerako dela aldarrikatzea", gaineratu du.

PARTEKATU