Aberri Eguna 2018 - Jaia Iruditan

Prentsa Aretoa

Berriak

2018/05/16

EAJk Senatuko Autonomia Erkidegoetako Batzorde Orokorra geldi dagoela salatu du

Jokin Bildarratzek gehitu duenez, “txarrena da, Bozeramaileen Batzordean azalpenak eskatzen ditugunean ez digutela inolako erantzunik ematen”.

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Jokin Bildarratzek Senatuko Autonomia Erkidegoetako Batzorde Orokorra geldirik dagoelako kexa helarazi dio Bozeramaileen Batzordeari. EAJko Goi Ganberako bozeramaileak azaldu duenez, hain zuzen ere lurralde ordezkaritzarako Ganbera izanik Batzorde honek duen jarduera ezak “zer pentsatu ematen du, eta Senatuaren funtzionamendua zein den erakusten du”.

Batzordeak orain arte izan dituen zazpi bileratako edukien garrantzi eskasa azpimarratu du Bildarratzek, hain zuzen ere tramite parlamentarioetara zuzendu direlako batez ere; hala nola, bera sortzeko, Mahaiko kideak aldatzeko edota ponenteak izendatzeko. “Bete gabeko 29 gai daude, tartean babes eskaerak eta zortzi agerraldi eskaera, horietako bi gure Taldearenak”, gogoratu du. “Ez dago deialdirik eta hauek egitea ere ez da aurreikusten; baina txarrena da, Bozeramaileen Batzordean azalpenak eskatzen ditugunean ez digutela inolako erantzunik ematen”, salatu du.

Kazetariek Kataluniako President berria 155. Artikuluaren aplikazioa jarraitzen duen Batzordean agerraldia egiteko aukeraz galdetuta, Bildarratzen iritziz, hau “ez da beharrezko. Senatuak onartutakoa argi dago, eta Generalitateko Govern berria karguaz jabetu ostean, 155a bertan behera geratzen da”. Kataluniari dagokionez, bozeramaile jeltzaleak  pazientzia eskatu du eta alderdi eta erakundeei dei egin die lagun dezaten “egoera berria aprobetxatzeko”, Estatuko zein Kataluniako Gobernuentzako “presio elementu bat desagertzen delako” Quim Torraren izendapenaren ostean. “Elkarrizketa bideratu dadila eta apurka apurka modu positiboan eraikitzen joan gaitezela ahalbidetu dadila, herritarrei segurtasuna eskainiz. Eta trabak jarri nahi dituena kanpoan gera dadila”, eskatu du.

Alderdi Eguna 2018
Jarrai ezazu Gurekin
Next Euskadi

  Agenda

2018/10/22 08:30

Aitor Esteban

   Euskadi Irratia 

2018/10/24 09:00

Andoni Ortuzar

   TVE-1. Los desayunos de TVE 

2018/12/03 09:30

Andoni Ortuzar

   ETB-1. Egun on Euskadi 

YouTube

Twitter

Facebook

Flickr

Andoniren Bideobloga

Elkarrizketak - Gure Burukideak
PDE-EDP
ADIERAZPENA
Europa: Krisialditik Itxaropen Berri baterantz. 
Berrantolatzeko garaia.
Eusko Legebiltzarrerako 2016ko hauteskundeetarako EGITASMOA