Prentsa Aretoa

Berriak

2017/05/16

Euzko Abertzaleak taldeak baiezkoa bozkatuko du Catalá Ministroaren, Estatuko Fiskal Nagusiaren eta Ustelkeriaren kontrako Fiskalaren kontrako gaitzespenetan

Kongresuko korridorean eginiko adierazpenetan, Aitor Estebanek baieztatu du bost diputatu jeltzaleek baiezkoa bozkatuko dutela PSOEk aurkeztuta, gaur arratsaldean eztabaidatuko den mozioan

rss Ezagutzera eman
Euzko Abertzaleak taldeak baiezkoa bozkatuko du Catalá Ministroaren, Estatuko Fiskal Nagusiaren eta Ustelkeriaren kontrako Fiskalaren kontrako gaitzespenetan

ARGAZKIA JAITSI

EAJ-PNVren Euzko Abertzaleak taldeak baiezkoa bozkatuko du Talde Sozialistak Justizia Ministroaren, Estatuko Fiskal nagusiaren eta Ustelkeria borrokatzeko fiskalaren gaitzespena eskatzeko aurkeztu duen mozioaren bozketan. Hala iragarri du Aitor Esteban Kongresuko jeltzaleen bozeramaileak, Bozeramaileen Batzarra amaitutakoan hedabideei eginiko adierazpenetan.

Estebanek baieztatu duenez “auzitan daude Catalá Ministroaren eta Fiskal Nagusiaren jarduna”, Ustelkeria borrokatzeko Fiskaltzaren baitan ezagutu izan diren gertakarien aurrean horien kontrako neurririk hartu ez dutelako. Jeltzaleen bozeramaileak Manuel Moix Ustelkeria borrokatzeko fiskalaren jarduna gaitzetsi du: “Hartu behar ez zituen erabakiak hartu ditu eta hiritarrengan erabateko mesfidantza eragin du” baieztatu du.

“Erabakirik hartu ez delako edo, gai hauetan guztietan Ministroaren parte hartzea noraino iritsi ote den ez dakigulako, berak ere eragina izan dezake”. Horregatik, Euzko Abertzaleak taldeak hiru gaitzespenen aldeko bozka emango du gaur arratsaldeko osoko bilkuran”.

Euzko Abertzaleak legebiltzar taldeak era berean gogoratu du Mikel Legardak, Euzko Abertzaleak taldeko Justizia bozeramaileak, Justizia Ministroaren aurrean iragan asteko agerraldian baieztatu zuela azken gertakariek “berarengan mesfidantza eragiten dutela” eta era berean esan zuen egintza hauek interpretatzeko orduan auzitan jartzen direla “Justiziaren askatasuna eta Ministerio Fiskalaren autonomia”.

Eusko Legebiltzarrerako 2016ko hauteskundeetarako EGITASMOA

Andoniren Bideobloga

Elkarrizketak - Gure Burukideak
Aberri Eguna 2017
Alderdi Eguna
Jarrai iezaguzu Telegramen

  Agenda

2017/06/30 08:30

Itxaso Atutxa

   Bizkaia Irratia 

2017/06/30 11:00

Aitor Esteban

   Bilboko Herri Irratia 

2017/07/06 08:30

Joseba Egibar

   Onda Vasca 

Twitter

Facebook

YouTube

Flickr